पाकिस्तानलाई २५ अर्ब डलर वैदेशिक ऋण आवश्यक

इस्लामाबाद । अन्तर्राष्ट्रिय मुद्रा कोष (आईएमएफ)ले चालू आर्थिक वर्षका लागि पाकिस्तानलाई २५ अर्ब अमेरिकी ऋण आवश्यक हुने प्रक्षेपण गरेको छ । पाकिस्तानको अंग्रेजी दैनिक पत्रिका ‘द एक्सप्रेस ट्रिब्युन’ले उल्लेख गरेअनुसार आईएमएफले वैदेशिक ऋणको आवश्यकता २८ दशमलव चार अर्ब अमेरिकी डलरबाट घटाएर २५ अर्ब अमेरिकी डलरमा झारेको छ ।

आईएमएफले पाकिस्तानको मुद्रास्फीति प्रक्षेपण पनि २५ दशमलव नौ प्रतिशतबाट घटाएर २२ दशमलव आठ प्रतिशतमा झरेको छ । आईएमएफले चालू खाता घाटा (सीएडी), आयात, आर्थिक वृद्धि, मुद्रास्फीति र कुल वित्तपोषण आवश्यकताहरूको लागि पाकिस्तानको वित्त मन्त्रालयको अनुमानलाई अस्वीकार गरेको छ ।

द एक्सप्रेस ट्रिब्युनका अनुसार आईएमएफले अघिल्लो छ दशमलव पाँच अर्ब अमेरिकी डलरको बेलआउट प्याकेजको असफलताको कारण बनेको आम चुनावको मिति तय गर्ने र केही महत्वपूर्ण आर्थिक क्षेत्रहरूलाई बेवास्ता गरेको छ । आईएमएफले विशेष लगानी सहजीकरण परिषद्का गतिविधिलाई पनि आफ्नो कार्यक्षेत्रमा ल्याएको छ ।

पाकिस्तानी अर्थ मन्त्रालयका प्रवक्ता कमर अब्बासीले यस विषयमा कुनै प्रतिक्रिया दिन चाहेनन् । पाकिस्तान सरकारले चार महिनामा छ अर्ब अमेरिकी डलर ऋण लिइसकेको छ । यसबाहेक थप १२ अर्ब ५० करोड अमेरिकी डलर भुक्तिनीको अपेक्षा गरेको छ ।