सर्बियामा निर्वाचनको विरोधमा भएको प्रदर्शनमा आठ प्रहरी घाइते, ३८ पक्राउ

सर्बिया । निर्वाचनको नतिजालाई लिएर भएको प्रदर्शनमा सर्बियामा आठ प्रहरी घाइते भएका छन् भने ३८ जना प्रदर्शनकारी पक्राउ परेका छन् । एक साताअघि भएको संसदीय र स्थानीय चुनाव खारेज गर्न माग गर्दै आइतबार बेलग्रेडको केन्द्रमा हजारौँ मानिस भेला भएका थिए ।

राज्य निर्वाचन आयोगको प्रारम्भिक नतिजाअनुसार, गत हप्ताको अन्तिम संसदीय चुनावमा लोकप्रिय सत्तारुढ सर्बियाई प्रोग्रेसिभ पार्टी (एसएनएस)ले ४६ दशमलव ७२ प्रतिशत मत प्राप्त गरेको छ । निर्वाचनमा धाँधली भएको भन्दै विपक्षीहरूले विरोध प्रदर्शन चर्काका हुन् । उनीहरूले चुनाव खारेज गर्न माग गरिरहेका छन् ।