चीनले गर्यो चारवटा मौसम विज्ञान उपग्रह प्रक्षेपण

जिउक्वान । चीनले सोमबार उत्तर–पश्चिम चीनको जिउक्वान स्याटेलाइट प्रक्षेपण केन्द्रबाट चारवटा मौसम विज्ञान उपग्रह सफलतापूर्वक अन्तरिक्षमा पठाएको छ ।

तियानमु–१ मौसमी तारामण्डलका उपग्रहहरू कुआइझोउ–१ ए रकेटद्वारा बेइजिङको समयअनुसार बिहानको ९ बजे प्रक्षेपण गरी योजनाबद्ध कक्षमा प्रवेश गरेका छन् ।

क्वाइझोउ–१ ए रकेटको २३औँ उडान अभियानमार्फत पठाइएका स्याटेलाइटहरू मुख्य तथा व्यावसायिक मौसमी तथ्यांक सेवा प्रदान गर्न प्रयोग गरिनेछ । रासस/सिन्ह्वा