जर्मनीमा अमेरिकी सैनिकको उपस्थिति अमेरिका र ईयूको सुरक्षाका लागि महत्वपूर्ण
बर्लिन, असार ३
जर्मनीमा अमेरिकी सैनिकको आवश्यकता बर्लिनलाई नभई अमेरिका र यूरोपेली संघको सुरक्षाका लागि बढी महत्वपूर्ण रहेको जर्मनीका विदेशमन्त्री हेइको मासले बताएका छन् । अमेरिकी राष्ट्रपति डोनाल्ड ट्रम्पले जर्मनीमा रहेका अमेरिकी सैनिकको संख्यामा कटौति गर्ने घोषणासँग जर्मनीको यो धारणा आएको हो ।
‘हामीलाई लाग्छ जर्मनीमा अमेरिकी उपस्थितिको महत्व जर्मनीलाई मात्र नभई अमेरिका तथा खासगरी यूरोपेली संघको सुरक्षाका लागि महत्वपूर्ण रहेको छ’, विदेशमन्त्री मासले आफ्नो पोल्याण्ड भ्रमणका क्रममा मङ्गलबार भने । यसपहिले अमेरिकी राष्ट्रपति ट्रम्पले जर्मनीले नेटोको योगदानमा ‘इमानदारिता’ नदेखाएको र अमेरिकासँगको व्यापारमा ‘गलत अभ्यास’ गरेको भन्दै जर्मनीमा रहेको अमेरिकी सैनिक संख्यामा कटौति गर्ने घोषणा गरेका थिए ।
जर्मनीमा ५२ हजार अमेरिकी सैनिक रहेको र यसलाई कटौति गरी २५ हजारमा सिमित गरिन लागेको ट्रम्पले बताएका थिए । तर पेन्टागनका अनुसार ३४ हजार देखि ३५ हजार अमेरिकी सैनिक जर्मनीमा स्थायीरूपमा रहेका र आउने जाने क्रममा अस्थायीरूपमा बसोबास गर्ने सैनिकको समग्र संख्या ५० हजारभन्दा बढी भएको जनाएको छ । यसैबीच नेटो प्रमुख जेन्स स्टलटेनवर्गले मङ्गलबार भने, ‘यूरोपमा रहेका अमेरिकी सैनिकले एटलान्टिकमा दुबै पक्षलाई सुरक्षित बनाएको छ ।’
यूरोपेली सुरक्षामा अमेरिकी भूमिकासम्बन्धी ट्रम्पका पछिल्ला धारणालाई सहयोगी राष्ट्रहरूका लागि अमेरिकाको कमजोर प्रतिवद्धता भन्दै आलोचना भएको छ । अमेरिकाले द्वित्तीय विश्व युद्धपछि शीत युद्धको उत्कर्षसम्ममा अमेरिकी दशौँ हजार अमेरिकी सैनिकलाई यूरोपमा तैनाद गर्दै आएको छ । यसैबीच अमेरिकी सैनिकको संख्या बढाउने पोल्याण्डको योजनाबारे प्रधानमन्त्री मातेउज मोराविकीले सोमबार जर्मनीलाई आश्वस्त पारेका थिए ।
पोल्याण्डमा अमेरिकी सैनिकको संख्या बढाउने बिषय जर्मनीले असहज रूपमा लिएपछि पोल्याण्डको सरकारको तर्फबाट जर्मनीको विश्वास लिने प्रयास भएको थियो । सोमबारको एक अन्तवार्तामा मोराविकीले भने, ‘अमेरिकाले जर्मनीमा आफ्नो सैनिकको उपस्थितिलाई घटाउने योजना वाल स्ट्रिट जोर्नलमा प्रकाशित समाचारमा आएको केही दिनपछि पोल्याण्डमा अमेरिकी सैनिकको केही संख्यालाई बढाउने योजना अघि सारिएको हो ।’
हाम्रो चाहना अमेरिकी सेनाको जर्मनीमा हुने खर्चमा कटौति गर्ने होइन’, प्रधानमन्त्री मोराविकीले बाल्टिक न्यूज सर्भिस (बीएनएस)सँगको अन्तवार्तामा भन्नुभयो । जर्मन विदेश मन्त्री हेको मासको मङ्गलबार हुने वार्सा भ्रमणको पूर्वसन्ध्यामा पोलिस प्रधानमन्त्रीको यो भनाइ आएको थियो ।
क्याटेगोरी : विश्व बजार
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया