वासिङ्टन । अमेरिकी विदेशमन्त्री एन्थोनी ब्लिन्केनले उत्तर कोरिया, इरान र चीनले युक्रेनमा जारी युद्धका बीच रूसलाई सहयोग गरेको भन्दै यसप्रति गम्भीर चासो व्यक्त गरेका छन् ।
जुलाई १९ मा ‘एस्पेन स्ट्राटेजी ग्रुपले आयोजना गरेको एक फोरममा ब्लिन्केनले भने, ‘रूससँग नजिकबाट काम गर्नु र युक्रेनमा उसको युद्धलाई निरन्तरता दिन मद्दत गर्नु विशेष गरी चीनको प्रतिष्ठाका लागि राम्रो होइन ।’ अमेरिकाले उत्तर कोरिया र रूसबीच बढ्दो सैन्य गठबन्धन र रूसको रक्षा औद्योगिक आधारलाई चीनको कथित समर्थनप्रति बारम्बार चिन्ता व्यक्त गर्दै आएको छ ।
नेसनल पब्लिक रेडियोका प्रस्तोता ब्लिन्केनलाई अमेरिका र अन्य युरोपेली राष्ट्रले रूसमाथि लगाएको प्रतिबन्धले वास्तवमै काम गरेको छ कि छैन र के यसले रूसी राष्ट्रपति भ्लादिमिर पुटिनलाई ‘अझ राम्रो व्यवहार गर्न’ प्रेरित गरेको छ भनेर सोधिएको थियो ।
अमेरिकी विदेशमन्त्रीले आफ्नो प्रतिक्रियामा अमेरिकाले देशहरूलाई एक ठाउँमा ल्याएको र ‘रूसमाथिको दबाबलाई सामूहिकरूपमा थपेको’ बताए ।
उनले भने, ‘यसको अर्थ यो हो कि विश्वका ‘धेरै देश’हरूले लगाएको प्रतिबन्धले सजिलै गर्नसक्ने सबै कुरा उनीहरूका लागि धेरै कठिन भएको छ । हामीले सस्तोमा गर्नसक्ने सबै कुरा, उनीहरूका लागि यो धेरै महँगो भएको छ ।’ उनले अगाडि भने, ‘यसले रूसको अर्थतन्त्र र रूसको भविष्यमा व्यापक भार पार्छ र यो बढ्दो छ ।’
उत्तर कोरिया र इरानले जस्तो बेइजिङले मस्कोलाई हतियार नदिएको तर रूसको रक्षा औद्योगिक अड्डाका लागि जानकारी उपलब्ध गराएकाले चीनले चुनौती खडा गरेको अमेरिकी विदेशमन्त्री ब्लिन्केनले बताए ।
‘रूसले आयात गर्ने मेसिन औजारमध्ये ७० प्रतिशत चीनबाट आयात हुन्छ भने ९० प्रतिशत माइक्रोइलेक्ट्रोनिक्स चीनबाट आउँछ र त्यो रक्षा औद्योगिक आधारमा जाँदैछ र मिसाइल र अन्य हतियारमा परिणत हुँदैछ’, ब्लिन्केनले भने । रासस÷एएफपी
क्याटेगोरी : विश्व बजार
ट्याग : #Page 5
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया