जापानमा उष्ण लहरको चेतावनी

टोकियो । जापनका केही क्षेत्रमा तापक्रम ४० डिग्री सेल्सियससम्म पुग्नसक्ने भन्दै त्यहाँको मौसम विज्ञान एजेन्सीले उष्ण लहरको चेतावनी जारी गरेको छ । जापानका ४७ प्रिफेक्चरमध्ये ३८ वटामा तीव्र उष्ण लहरको सम्भावना रहेको एजेन्सीले जनाएको छ ।

जापान मौसम विज्ञान एजेन्सी (जेएमए)ले उच्च चापीय प्रणालीले मुख्यतया पूर्वी र पश्चिमी जापानमा घाम लाग्ने र चिसो मौसम ल्याउन जारी राखेकाले कुमागाया, कोफु र हमामात्सु सहरहरूमा तापक्रम ४० डिग्री सेल्सियस पुग्ने सम्भावना रहेको बताएको छ ।

जेएमएका अनुसार साइतामा, माइबाशी, क्योटो र ओकायामा सहरमा दिनको उच्च तापक्रम ३९ डिग्री र मध्य टोकियो, उत्सुनोमिया, ओत्सु र कोची सहरहरूमा ३८ डिग्री सेल्सियस रहने अनुमान गरिएको छ ।

मौसम विज्ञान एजेन्सीका अनुसार सोमबार पूर्वी र पश्चिमी जापान उच्च चापीय प्रणालीले ढाकेको थियो । टोचिजी प्रिफेक्चरको सानो सहरमा तापक्रम ४१ डिग्री पुगेको थियो । यो आकडा देशमा यो वर्षकै उच्च रहेको बताइएको छ । एकै दिनमा छ स्थानमा ४० डिग्री वा सोभन्दा माथिको तापक्रम रेकर्ड गरिएको थियो । जुन एक जुलाई २०२२ पछि पहिलो पटक हो । एजेन्सीले रातको समयमा पनि २५ डिग्री भन्दा माथि तापक्रम रहने अनुमान गरेको छ ।

मौसम अधिकारीहरूले सर्वसाधारणलाई एयर कन्डिसनरहरू प्रयोग गर्न नहिच्किचाउन र बारम्बार तरल पदार्थ र नुन लिन, अनावश्यकरूपमा बाहिर निस्कन र व्यायाम नगर्न आग्रह गरेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments