जापानको बेरोजगारी दरमा सुधार

टोकियो । जापानको बेरोजगारी दर पछिल्लो महिनाको दुई दशमलव छ प्रतिशतबाट सामान्य सुधार भई जुन महिनामा दुई दशमलव पाँच प्रतिशतमा झरेको सरकारी तथ्यांकले मंगलबार जनाएको छ ।

एक वर्षअघिको तुलनामा तीन लाख ७० हजारले वृद्धि भएर जुन महिनामा रोजगार व्यक्तिहरूको संख्या ६८ दशमलव २२ मिलियन पुगेको जापानको आन्तरिक मामिला तथा सञ्चार मन्त्रालयले बताएको छ ।

मानिसहरूले स्वेच्छाले जागिर छाडी नयाँ काम खोजेका कारण बेरोजगार व्यक्तिहरूको संख्या जून महिनामा तीन दशमलव तीन प्रतिशतले घटेर मौसमी बेरोजगारीमा समायोजित हुँदा एक दशमलव ७६ मिलियनमा पुगेको हो ।

स्वास्थ्य, श्रम र कल्याण मन्त्रालयका अनुसार मे महिनामा एक दशमलव २४ रहेको जापानको रोजगार–आवेदक अनुपात जूनमा घटेर एक दशमलव २३ पुगेको छ । लगातार तेस्रो महिनासम्म भएको यो गिरावटले प्रत्येक सय जना रोजगारी खोज्नेहरूको लागि एक सय २३ रोजगारी उपलब्ध भएको सङ्केत गरेको छ । रासस/सिन्ह्वा

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments