नयाँदिल्ली । भारतको केन्द्र सरकारले केन्द्रीय कर्मचारीहरूको लागि नयाँ पेन्सन योजनाको सट्टामा एकीकृत पेन्सन योजना ल्याएको छ । केन्द्रीय मन्त्री अश्विनी वैष्णवले शनिबार (अगस्ट २४)मा यो जानकारी दिएका हुन् । मन्त्रिपरिषद् बैठकले एकीकृत पेन्सन योजना स्वीकृत गरेको उनले बताए । यो योजना सन् २०२५ अप्रिल १ देखि लागू हुनेछ ।
यस व्यवस्थाबाट २३ लाख केन्द्रीय कर्मचारी लाभान्वित हुनेछन् । कर्मचारीहरूसँग एकीकत पेन्सन योजना वा नयाँ पेन्सन योजना पेन्सन योजना छनोट गर्ने विकल्प हुनेछ । एकीकृत पेन्सन योजनामा राज्यका कर्मचारीहरु जोडिएमा करिब ९० लाख कर्मचारी लाभान्वित हुनेछन् ।
नयाँ पेन्सन योजनामा, कर्मचारीले आफ्नो आधारभूत तलबको १० प्रतिशत योगदान गर्नुपर्छ र सरकारले १४ प्रतिशत थपिदिन्छ । तर, एकीकृत पेन्सन योजनामा सरकारले आफ्नोतर्फबाट कर्मचारीको आधारभूत तलबको १८ दशमलव ५० प्रतिशत योगदान दिनेभएको छ । कर्मचारीको १० प्रतिशत सेयरमा कुनै परिवर्तन हुनेछैन ।
नयाँ पेन्सन योजनाअन्तर्गत सन् २००४ देखि सेवानिवृत्त भएका कर्मचारी र अहिलेदेखि २०२५ मार्चसम्म सेवानिवृत्त हुनेहरूले पनि यसको लाभ पाउनेछन् । उनीहरूले पहिले नै कोषबाट प्राप्त गरेको वा निकासी गरेको रकमबाट समायोजन गरेपछि भुक्तानी गरिनेछ ।
सरकारको योगदान १४ प्रतिशतबाट १८ दशमलव ५० प्रतिशत पुर्याएमा पहिलो वर्ष छ हजार दुई सय ५० करोड रुपैयाँ थप खर्च हुनेछ । यो खर्च वर्षैपिच्छे बढ्दै जानेछ ।
क्याटेगोरी : विश्व बजार
ट्याग : #Page 5
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया