अमेरिका । मेटाका सीईओ मार्क जुकरबर्ग विश्वको दोस्रो धनी व्यक्ति बनेका छन् । जुकरबर्ग जेफ बेजोस र बर्नार्ड अर्नाल्टलाई पछि पार्दै दोस्रो धनी व्यक्ति बनेका हुन् । ब्लूम्बर्ग बिलियनेर्स इन्डेक्सका अनुसार जुकरबर्गको कुल सम्पत्ति अहिले दुई सय ११ अर्ब डलर पुगेको छ ।
एलोन मस्क दुई सय ६३ अर्ब डलरको सम्पत्तिका साथ विश्वको सबैभन्दा धनी व्यक्ति बनेका छन् । अमेजनका सीईओ जेफ बेजोस दुई सय नौ अर्ब डलर सम्पत्तिसहित तेस्रो स्थानमा छन् भने एलभीएमएचका सीईओ बर्नार्ड अर्नाल्ट एक सय ९३ बिलियन डलर सम्पत्तिसहित चौथो स्थानमा छन् ।
सन् २०२४मा जुकरबर्गको सम्पत्ति ७८ दशमलव एक अर्ब डलर बढेको छ । यससँगै जुकरबर्ग पनि दुई सय अर्ब डलर नेटवर्थ क्लबमा सामेल भएका छन् । मस्क र बेजोस यसअघि नै दुई सय अर्ब डलरभन्दा बढी नेटवर्थ हुने क्लबमा थिए । सम्पत्तिमा गिरावट आएपछि बर्नार्ड अर्नाल्ट यस क्लबबाट बाहिरिएका छन् ।
सन् २००४को फेसबुक स्थापना गर्ने जुकरबर्गको सम्पत्तिको ठूलो हिस्सा मेटा प्लेटफर्मको सफलताको परिणाम हो । यो वर्ष मेटाको सेयर ७२ प्रतिशतले बढेको छ । मेटासँग फेसबुक, इन्स्टाग्राम, थ्रेड र मेसेजिङ एप ह्वाट्सएपजस्ता प्रमुख सोसल मिडिया प्लेटफर्महरु छन् ।
क्याटेगोरी : विश्व बजार
ट्याग : #Page 5
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया