नयाँदिल्ली । भारतीय केन्द्रीय बैंक रिजर्व बैंक इन्डिया (आरबीआई)का गभर्नर शक्तिकान्त दास लगातार दोस्रो वर्ष विश्वको शीर्ष केन्द्रीय बैंकर बनेका छन् । शक्तिकान्त दासले केन्द्रीय बैंकको रिपोर्ट कार्ड २०२४ मा फेरि ए प्लस ग्रेड पाएका छन् । यो अवार्ड अमेरिकाको वाशिङटन डिसीमा रहेको ग्लोबल फाइनान्सले आरबीआई गभर्नरलाई प्रदान गरेको हो ।
आरबीआईले सामाजिक सञ्जाल प्लेटफर्म एक्समा शक्तिकान्त दासको अवार्ड पाएका केही तस्बिरहरू सेयर गरेको छ । ग्लोबल फाइनान्सले दुई महिनाअघि यो अवार्ड घोषणा गरेको थियो ।
शक्तिकान्त दासलाई मुद्रास्फीति नियन्त्रण, आर्थिक वृद्धि, मुद्रामा स्थायित्व र ब्याजदर नियन्त्रणका लागि यो सम्मान प्रदान गरिएको हो । उनी गत वर्ष पनि शीर्ष केन्द्रीय बैंकर निर्वाचित भएका थिए । उनले गतवर्ष पनि ए प्लस रेटिङ पाएका थिए । गतवर्ष जुनमा लन्डनमा सम्पन्न सेन्ट्रल बैंकिङ अवार्ड २०२३ मा दासलाई ‘गभर्नर अफ द इयर’ अवार्डबाट सम्मानित गरिएको थियो ।
ग्लोबल फाइनान्स पत्रिकाका अनुसार उनीहरुले दिने ग्रेडहरु मुद्रास्फीति नियन्त्रण, आर्थिक विकास लक्ष्यहरु, मुद्रा स्थिरता र ब्याजदर व्यवस्थापनमा सफलताको लागि ‘ए’ देखि ‘एफ’को स्केलमा आधारित छन् । शक्तिकान्त दास आरबीआईका २५औँ गभर्नर हुन् ।
क्याटेगोरी : विश्व बजार
ट्याग : #Page 5
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया