भारत । आगामी महाकुम्भ सन् २०२५ को तयारीमा उत्तर प्रदेश सरकारले प्रयागराज रेलवे स्टेशनहरूलाई निगरानी गर्न प्रविधिसँग सुसज्जित गरेर भक्तहरूको सुरक्षालाई प्राथमिकता दिइरहेको छ । महाकुम्भमा पहिलो पटक सीसीटीभी क्यामेरासँगै एक सय फेसियल रिकग्निसन (एफआर) क्यामेरा जडान हुन लागेको छ ।
आर्टिफिसियल इन्टेलिजेन्स (एआई) द्वारा सञ्चालित यी एफआर क्यामेराहरू संदिग्ध गतिविधिहरूको निगरानी र सम्भावित खतराहरू पहिचान गर्न अत्यधिक प्रभावकारी छन् । महाकुम्भमा करिब १० करोड मानिसले रेलबाट यात्रा गर्ने अपेक्षा गरिएको छ । यसलाई ध्यानमा राख्दै प्रयागराज रेलवे डिभिजनले विशेष सुरक्षा व्यवस्था गरेको छ ।
प्रयागराज रेलवे डिभिजनका पिआरओ अमित सिंहले भक्तजन र पर्यटकहरूका लागि सुरक्षित र सहज अनुभव सुनिश्चित गर्न व्यापक सुरक्षा उपायहरूअन्तर्गत एआई–आधारित एफआर क्यामेराहरू लगाइने बताए । यी क्यामेराहरूले एआई टेक्नोलोजी प्रयोग गरेर अनुहारहरू चिन्न सक्छन् । यसले ठूलो भीडमा पनि संदिग्धहरूलाई पहिचान गर्न अनुमति दिन्छ । यो क्षमताले संदिग्ध गतिविधिहरूलाई रोक्न र भीडको अवस्थाहरू बढ्नुअघि नियन्त्रण गर्न मद्दत गर्दछ ।
सिंहका अनुसार छ सय ५० सिसिटिभी क्यामेराबाहेक पहिलो पटक प्रयागराजको रेलवे स्टेशनहरूमा एक सय एफआर क्यामेराहरू जडान गरिनेछ । प्रयागराज सहरका सबै नौ रेलवे स्टेशनका रुट र प्लेटफर्मको अनुगमन गरिनेछ । यो काम डिसेम्बरको अन्त्यसम्ममा सम्पन्न गर्ने लक्ष्य राखिएको छ । महाकुम्भ सुरु हुनुअघि जनवरीसम्ममा सबै उपकरण सञ्चालनमा ल्याइनेछ । रासस/एएनआई
क्याटेगोरी : विश्व बजार
ट्याग : #Page 5
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया