अमेरिका, भदौ १२
जेट इन्जिन निर्माता इन्जिनियरिङ कम्पनी रोल्स रोयसले कोरोना भाइरसले पिरोलेको वर्ष कीर्तिमानी घाटा व्यहोरेको जनाएको छ । कम्पनीले यो वर्षको आधा समयावधिमा करअघिको घाटा ५ अर्ब ४० करोड पाउन्ड पुगेको जनाएको हो ।
कम्पनीका प्रमुख कार्यकारी वारेन इस्टले सन् २०१९ को अन्त्यतिर कम्पनीले व्यहोरेको घाटा पूर्ति आगामी पाँच वर्षसम्म पनि नहुने बताए । बुधबार कम्पनीले नटिंघम शायर र लंकाशायरमा कारखाना बन्द गर्ने जनाएको थियो । उसले बेलायतमा मात्रै ३ हजार रोजगारी कटौती गर्ने योजना बनाएको छ । कम्पनीले अहिले खर्च कटौतीको प्रयास गरिरहेको छ ।
विश्वमा यात्रा प्रतिबन्ध लागिरहेको कारण कम्पनीले घाटा व्यहोर्नुपरेको हो । कोरोनाभाइरस संक्रमणले महामारीको रुप लिएपछि विश्वको हवाइ उद्योग नराम्ररी प्रभावित बनेको छ । रोल्स रोयसले जेट इन्जिनहरु उत्पादन गर्छ । कम्पनीले महामारीले प्रभावित भएपछि विश्वभर रहेका ११ उत्पादन क्षेत्रलाई घटाएर ६ वटामा सीमित पार्नेछ । कम्पनीका ५० हजार कर्मचारी छन् । तीमध्ये झण्डै आधा बेलायतमै छन् ।
कम्पनीका इस्टले कम्पनीका ४५ सय कर्मचारीले काम छोडिसकेको बताए । रोल्स रोयसले आफ्नो स्पेनिस युनिट आईटीपी एरो र अन्य सम्पत्तिहरु बेचेर २ अर्ब पाउन्ड उठाउन चाहिरहेको उनको भनाइ छ । हवाइ क्षेत्रमा अनिश्चितता छाएकोले विकल्पहरु सोचेर कम्पनी सुदृढीकरण गरिने रोल्स रोयसले जनाएको छ ।
क्याटेगोरी : विश्व बजार
ताजा अपडेट
- शान्ति सम्झौताको १८ वर्षः न्यायको प्रतीक्षामा पीडित
- देशका अधिकांश भागमा आज मौसम सफा रहने
- अमेरिकी डलर, युरो, स्टर्लिङ पाउण्डलगायतका विदेशी मुद्राको मूल्य बढ्यो
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया