लन्डन, भदौ १५
ग्याटविक एयरपोर्टको यात्रु संख्यामा ह्वात्तै गिरावट आएको छ । सन् २०२० को पहिलो छ महिनासम्ममा १ करोड ४७ लाखले यात्रु घटेको एयरपोर्टले जनाएको छ । कोरोना महामारीका कारण विश्वभर यात्रा प्रतिबन्ध जारी गरेपछि विमानस्थलको यात्रु घटेको छ । व्यवसाय उँधो लागेपछि कम्पनीले ३४ करोड ४० लाख पाउन्ड स्टर्लिङ घाटा व्यहोरिसकेको छ ।
सामान्य अवस्थामा फर्किने संकेत अझैसम्म नदेखिएको ग्याटविकले जनाएको छ । उसले कोभिड महामारी सुरु हुनुअघिको अवस्थामा फर्किन चार/पाँच वर्ष लाग्ने समेत बताएको छ । बेलायतको वेस्ट ससेक्समा रहेको विमानस्थलले महामारीको कारण नराम्ररी आर्थिक नोक्सानी व्यहोरेको छ ।
विमान सेवा प्रदायक भर्जिन एटलान्टिकले ग्याटविकको अपरेसन बन्द गर्ने जनाइसकेको छ भने ब्रिटिश एयरवेजले पनि छोटो दूरीका उडान हिथ्रोमा शिफ्ट गरेको छ । उक्त विमानस्थलमा उसले धेरै कर्मचारी कटौती समेत गरिसकेको छ । तथ्यांकअनुसार ग्याटविक भएर यात्रा गर्ने संख्या ६६ प्रतिशतले घटेर केवल ७५ लाखमा झरेको छ । यो जुनसम्मको छ महिने तथ्यांक हो ।
विमानस्थलले यो अवधिमा ३४ करोड ३९ लाख करअघिको नोक्सानी व्यहोरेको छ । एक वर्षअघिको सोही समयमा कम्पनीले ५ करोड ९४ लाख नाफा आर्जन गरेको थियो । विमानस्थलले यसअघि नै छ सय रोजगारी कटौती गर्ने योजना घोषणा गरिसकेको छ । अहिले ७५ प्रतिशत कर्मचारीले सरकारले दिएको राहत स्किममा काम गरिरहेका छन् भने त्यो सुविधा अक्टोबरपछि बन्द हुनेछ ।
क्याटेगोरी : विश्व बजार
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया