अमेरिका, भदौ २६
विमान सेवा प्रदायकहरुले कोभिड–१९ को खोप विश्वभर वितरण गर्नु मुख्य र ठूलो चुनौती हुने बताएका छन् । यसका लागि बोइङका ७४७ मोडलका आठ हजारवटा जम्बो जेट विमान आवश्यक पर्ने अन्तर्राष्ट्रिय हवाइ यातायात संघ (आईएटीए)ले जनाएको छ ।
तर हालसम्म खोप बनिसकेको छैन । आईएटीएले भने सम्भावित खोप वितरणको तयारी सुरु गरिसकेको छ । यसका लाग विमान सेवा प्रदायकहरु, विमानस्थल, विश्वका स्वास्थ्य कार्यालयहरु र औषधि कम्पनीसँग एयरलिफ्ट (हवाइ माध्यमबाट वितरण) गर्ने योजना अगाडि बढाइसकेको उसले बताएको छ ।
वितरण कार्यक्रमअनुसार एक व्यक्तिलाई एक डोज चाहिने पनि अनुमान गरिएको छ । ‘विश्व कार्गो उद्योगका लागि सुरक्षित रुपमा कोभिड–१९ खोप उपलब्ध गराउने यो शताब्दीकै ठूलो मिसन हुनेछ’, आईएटीएका प्रमुख कार्यकारी अलेजेन्डर डी जुनियाकले भने, ‘तर अग्रिम र सुरक्षित योजनाविना यो सम्भव हुनेछैन । साथै, त्यसका लागि तयारीको समय अहिले नै हो ।’
यात्रु सेवाको उडान नै ओरालो लागिरहेका बेला खोप वितरण झनै जटिल हुने बताइएको छ । त्यस्तै सबै विमानहरुले पनि यो कार्यक्रममा योगदान दिन नसक्ने हुन्छ । किनकि २ देखि ८ डिग्री सेल्सियसको तापक्रम खोप वितरणका लागि आवश्यक हुन्छ । केही खोपका लागि त अत्यधिक चिसो तापक्रम आवश्यक पर्ने हुँदा धेरै विमानहरु यसै पनि यो कार्यक्रममा सहभागी हुन पाउनेछैनन् ।
‘हामीलाई यसको प्रक्रियाबारे राम्ररी थाहा छ । आवश्यक पर्ने अवस्था मापन गर्न अहिले नै आवश्यक छ’, उक्त संस्थाको कार्गो प्रमुख ग्लिन हग्सले भने । त्यस्तै दक्षिण पूर्वी एसियाको यस्तो उडान अझै जटिल हुनसक्नेछ । खोप उत्पादन क्षमता नहुँदा अवस्था जटिल हुनसक्ने उनको भनाइ छ । त्यस्तै अफ्रिका महाद्वीपमा खोप वितरण झनै जटिल हुनेछ । यो क्षेत्रको भूगोल ठूलो र सीमा पार गर्न विभिन्न सैन्य जटिलता भएका कारण खोप वितरणमा प्रभाव पर्नेछ ।
अहिले करिब १ सय ४० वटा खोप विकास भइरहेका छन् । त्यसमध्ये दुई दर्जन खोपको मानिसमा क्लिनिकल ट्रायलका रुपमा परीक्षण भइरहेको छ । त्यसमध्ये. अक्सफोर्ड विश्वविद्यालयले विकास गरिरहेको खोप अन्तिम चरणमा प्रवेश गरिसकेको छ । आईएटीएले सरकारहरुलाई खोप प्रमाणीकरण भएको अवस्थामा होसियारीपूर्वक वितरण गर्न योजना बनाउन सुझाव दिएको छ । त्यस्तै अनुकूल तापक्रम र सुरक्षाको लाग पनि विश्वका सरकारहरु तम्तयार हुनुपर्ने सुझाव उसले दिएको छ ।
क्याटेगोरी : विश्व बजार
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया