अमेजनका २० हजार कर्मचारी कोरोना संक्रमित

अमेरिका ।
चर्चित अनलाइन सामान बिक्रेता अमेजन कम्पनीका २० हजार जना कर्मचारीलाई विश्व महामारी कोरोनाको संक्रमण भएको छ । अमेजनले बिहीबार १९ हजार ८ सय १६ अग्रपंक्तिमा खट्ने कर्मचारीलाई कोरोना संक्रमण पुष्टि भएको जानकारी दिएको हो ।

ती सबै अमेरिकाका रहेका छन् । उक्त संख्या अमेजन र यसको स्वामित्व रहेको होलफुड्सका कर्मचारी हुन् । यसअघि अमेजनले विस्तृतमा कोभिड संक्रमणबारे तथ्यांक दिएको थिएन । महामारीका बेला अमेजन लगायतका अनलाइन बिक्रेताको व्यवसाय राम्रै फस्टाएको छ ।

अमेजनले अमेरिकाबाहिर कति आफ्ना कर्मचारी संक्रमित भए भन्ने अझै खुलाइसकेको छैन । अमेजनले मार्च १ देखि सेप्टेम्बर १९ सम्म अमेरिकामा रहेका १३ लाख ७२ हजार अमेजन र होल फुड्स मार्केटका अग्रपंक्तिमा खटिने कर्मचारीको तथ्यांक विश्लेषण गरेको थियो ।