क्याथी प्यासिफिकद्वारा ८ हजार ५ सय रोजगारी कटौती

हङकङ  ।
हङकङको विमान कम्पनी क्याथी प्यासिफिक एयरवेजले आठ हजार ५ सय रोजगारी कटौती गर्न लागिएको जनाएको छ । कोरोनाभाइरसको महामारीका कारण विमान सेवा सञ्चालन गर्न नसकिएकाले कर्मचारीहरुलाई राखिरहन पनि नसकिने भएकाले कटौती गर्न लागिएको कम्पनीका अधिकारीहरुले जानकारी दिएका छन् ।

एपीका अनुसार रोजगारीबाट हटाउन लागिएका कर्मचारीहरुमध्ये पाँच हजार तीन सय जना हङकङमै रहेर काम गर्नेहरु परेका छन् । त्यसबाहेक अरु छ सय जना अन्य ठाउँमा रहेका कर्मचारीहरुलाई कटौती गर्न लागिएको कम्पनीको भनाई छ । अरु दुई हजार छ सय पद भने पहिलेदेखि नै खाली रहेको थियो ।