ब्रेक्जिटपछिको व्यापार सम्झौता ‘अझै सम्भावना’

ब्रसेल्स ।
युरोपेली संघ (ईयू) बाट बेलायत बहिर्गमन भएपछि गरिने भनिएको व्यापार सम्झौता हुने अझै सम्भावना रहेको जर्मनी तथा आयरल्याण्डका विदेशमन्त्रीले शुक्रबार बताएका छन् । बेलायती प्रधानमन्त्री बोरिस जोनसन र ईयूको उच्च नेतृत्वले व्यापार सम्झौता टारिने वातावरण देखिएको भनी धारणाहरू आइरहेको समय ईयू सदस्य राष्ट्रका ती विदेशमन्त्रीहरूले सम्झौताको सम्भावना रहेको बताएका हुन् ।

‘सम्झौताका आधारहरू कठिन मोडमा रहेका भए पनि हामीले विश्वास गरेका छौं कि अझै सम्झौताको सम्भावना टरेको छैन’, जर्मनीका विदेशमन्त्री हेइको मासले भने, ‘सम्भावनाको चर खुला रहँदासम्म हामीले आशावादी रहनुपर्छ र वार्तालाई निरन्तरता दिनुपर्छ ।’ जर्मनीका विदेशमन्त्री कोभेनीले पनि बेलायतसँगको भविष्यको सम्बन्ध र व्यापार सम्झौता हुन अझै सम्भावना रहेको विश्वास व्यक्त गरे ।