फेसबुकका एडभरटाइजिङ इन्टिग्रिटी प्रमुखले पद छोडे

अमेरिका ।
विश्वचर्चित सामाजिक सञ्जाल कम्पनी फेसबुकका एडभरटाइजिङ इन्टिग्रिटी प्रमुखले पद छोडेका छन् । कम्पनीको आन्तरिक सूचनाअनुसार यही हप्ता फेसबुकको संवेदनशील विषयसम्बन्धी एड प्रोडक्ट हेर्ने रोब लिथर्नले पद छोडेको रोयटर्सले जनाएको छ ।

उनले यही महिनाको सुरुतिर आफूले पद छोड्नलागेको जानकारी गराएका थिए । उनले डिसेम्बर ३० सम्ममा पद छोड्ने बताएका थिए । उनले पद छोडेको बारे यसअघि जानकारी दिइएको थिएन । उनले विज्ञापन र सामाजिक सञ्जालभन्दा बाहिर उपभोक्ताको गोप्य मामिलाबारे काम गर्न फेसबुक छोड्न लागेको जनाएका थिए ।

तर उनले कहाँ जाने भन्नेचाहिँ नखुलाएको बताइएको छ । फेसबुकको विवादास्पद राजनीतिक विज्ञापन नीतिका उनी परिचित अनुहार हुन् । अमेरिकामा नोभेम्बर ३ मा राष्ट्रपतीय निर्वाचन हुनुअघि अनर्गल दाबी र शंका सिद्धान्तलाई फेसबुकमा अनुमति दिई प्रचारप्रसार गर्न छुट दिएको भन्दै आलोचना भएको थियो ।