ऋणपत्र बिक्री गरेर पाकिस्तानले ३६ खर्ब उठाउने

इस्लामावाद ।
सरकारले ऋणपत्र बोलकबोलबाट बिक्री गरेर जनवरीदेखि मार्चसम्ममा ३६ खर्ब २० अर्ब पाकिस्तानी रुपैयाँ चालू आर्थिक वर्षमा उठाउने भएको छ । पाकिस्तानको केन्द्रीय बैंकले सोमबार यसबारे जानकारी दिएको हो । बैंकका अनुसार ट्रेजरी बिलको बोलकबोलबाट मात्रै २९ खर्ब उठाउनेछ । बैंकले तीन महिनामा १० खर्ब ५० अर्ब, ६ महिनामा ९ खर्ब ७५ अर्ब र १२ महिनामा ८ खर्ब ७५ अर्ब पाकिस्तानी रुपैयाँ उठाउनेछ । यसबाहेक सरकारले पाकिस्तान लगानी बन्ड (पीआईबी)हरुबाट २ खर्ब ७० अर्ब तरल दरमा र निश्चित दरमा ३ खर्ब उठाउने भएको डनले जनाएको छ ।