कराची, पुस २८
सन् २०१९/०२० को पहिलो छ महिनामा पाकिस्तानको रेमिट्यान्स आउने क्रम बढेको छ । पाकिस्तानी मिडियाका अनुसार छ महिनामा ३.३ प्रतिशतले बढेर रेमिट्यान्स ११ अर्ब ३९ करोड अमेरिकी डलर पुगेको छ । गत वर्षको सोही अवधिमा ११ अर्ब ३ करोड डलर रेमिट्यान्स भित्रिएको थियो । पाकिस्तानको स्टेट बैंक अफ पाकिस्तानका अनुसार डिसेम्बरमा पनि उत्साहजनक रुपमा रेमिट्यान्स आप्रवाह भएको छ । उक्त महिना वर्षगत तुलनामा १९.८९ प्रतिशतले बढेर २ अर्ब ९ करोड डलर भित्रिएको छ भने नोभेम्बरमा १५ प्रतिशतले बढेर १ अर्ब ८१ करोड रेमिट्यान्स भित्रिएको छ ।
रेमिट्यान्स आउने देशको आर्थिक वृद्धिदर समेत राम्रो रहेको कारण त्यसले सहयोग गरेको देखिएको छ । गत हप्ता विदेशी सञ्चिति समेत ११ अर्ब ५० करोड अमेरिकी डलर पुगेको थियो । जुन ३० महिनायताकै उच्च भएको बताइएको छ । देशगत तुलनामा साउदी अरेबियाबाट सबैभन्दा बढी २ अर्ब १६ करोड डलर जुलाईदेखि डिसेम्बरसम्मको अवधिमा भित्रिएको छ । अघिल्लो वर्ष २ अर्ब ५६ करोड डलर भित्रिएको थियो । त्यसपछि यूएईबाट २ अर्ब ३४ करोड डलर भित्रिएको छ । तेस्रो धेरै रेमिट्यान्स भने अमेरिकाबाट भित्रिएको छ ।
पहिलो छ महिनामा अमेरिकाबाट १ अर्ब ८८ करोड डलर भित्रिएको हो । त्यस्तै गल्फ कोअपरेसन काउन्सिल सदस्यराष्ट्रबाट १ अर्ब ८ करोड अमेरिकी डलर भित्रिएको छ । बेलायतबाट १ अर्ब ७५ करोड भित्रिँदा मलेसियाबाट ७९ करोड ८० लाख अमेरिकी डलर भित्रिएको छ । युरोपेली संघबाट समेत ८.४ प्रतिशतले बढेर ३३ करोड ९२ लाख डलर भित्रिएको छ ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया