शांघाई, पुस २९
फोर्ड मोटर चीनको गाडीको बिक्री लगातार तेस्रो वर्ष घटेको छ । कम्पनीका अनुसार सन् २०१९ मा २६.१ प्रतिशतले बिक्री घटेको हो । चीन कम्पनीको दोस्रो ठूलो बजार हो । चीनमा कम्पनीले युटिलिटी भेहिकलहरु बिक्री गर्दै आएको छ । चौथो त्रैमासिकमा गत वर्ष चीनमा कम्पनीले १ लाख ४६ हजार ४ सय ७३ वटा सवारीसाधन बिक्री गरेको थियो । जुन वर्षगत तुलनामा १४.७ प्रतिशतले कम हो ।
एक वक्तव्य जारी गर्दै अमेरिकी कम्पनीले सन् २०१९ मा कुल ५ लाख ६७ हजार ८ सय ५४ वटा सवारीसाधन बिक्री गरेको जनाएको छ । कम्पनीले चीनमा बिक्री बढाउने भरमग्दुर प्रयास गरिरहेको छ । सन् २०१७ यता कम्पनीको व्यवसाय खस्किन सुरु भएको थियो । सन् २०१८ मा ३७ प्रतिशतले फोर्डका गाडी बिक्री घटेको थियो । सन् २०१७ मा ६ प्रतिशतले बिक्रीमा कमी आएको थियो ।
चीनका लागि कम्पनी प्रमुख कार्यकारी एनिङ चेनले गत वर्ष कम्पनीका लागि चुनौतीपूर्ण रहेको बताए । उनले सन् २०२० मा पनि बिक्री घट्ने बताए । बाह्य वातावरण र कम्पनीको ओरालो लाग्दो व्यवसाय जारी रहने उनको भनाइ छ । तर बिक्री बढाउन कम्पनीले निरन्तर प्रयास गर्ने चेनको दाबी छ । चीनमा आगामी तीन वर्षमा कम्पनीले ३० भन्दा बढी नयाँ मोडल सार्वजनिक गर्ने योजना बनाएको छ । त्यसमा विद्युतीय सवारीसाधन पनि पर्नेछन् । बिक्री बढाउन कम्पनीले व्यवस्थापन टोलीमा अधिकांश चिनियाँ कर्मचारी राख्ने र संयुक्त उपक्रमका लागि साझेदार खोज्ने पनि बताएको छ । फोर्डले चौथो त्रैमासिकमा सार्वजनिक गरेका नयाँ मोडलमा एस्केप भर्सन एउटा हो ।
उक्त मोडललाई ग्राहकले अत्यधिक रुचाउँदा माग धान्न गाह्रो परेको कम्पनीको भनाइ छ । चीनमा फोर्डले चोंगक्विंग चांगान अटोमोबाइल कम्पनी र जिंआंगलिंग मोटर्स कर्पसँग संयुक्त उपक्रममा सवारीसाधन उत्पादन गरिरहेको छ । अब जोत्ये अटोमोबाइलसँग पनि सस्ता कार निर्माण गर्ने कम्पनीले योजना बनाएको छ ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया