क्वालालम्पुर, माघ १
मलेसियाका प्रधानमन्त्री महाथिर मोहम्मदले भारतले पछिल्लोपटक गरेको पाम तेल आयात नगर्ने निर्णयप्रति आफ्नो देशको ध्यानाकर्षण भएको जनाएका छन् । मंगलबार भारतीय निर्णयप्रति चिन्ता व्यक्त गर्दै उनले भारतले गर्ने गलत निर्णयको सधैँ विरोध गर्ने समेत बताएका हुन् । उनले पछिल्लो समय आफूले भारतीय कदमप्रति गरेको आलोचनाको समेत बचाउ गरेका छन् ।
मलेसिया इन्डोनेसियापछि विश्वकै ठूलो धेरै पाम तेल उत्पादनकर्ता तथा निर्यातकर्ता देश हो । त्यस्तै भारत सबैभन्दा धेरै पाम तेल आयातकर्ता देश हो । भारतले गत हप्तामात्रै प्रशोधित पाम तेलको आयातमाथि प्रतिबन्ध लगाएको थियो । भारतले ल्याएको नागरिकतासम्बन्धी पछिल्लो कानुनको प्रधानमन्त्री महाथिरले चर्को आलोचना गरेपछि पाम तेल आयात नगर्ने निर्णय नयाँ दिल्लीले गरेको थियो । यसअघि पनि महाथिरले कश्मिर विवादबारे भारतको आलोचना गरेका थिए । महाथिरले देशले आर्थिक नोक्सानी व्यहोर्नुपरे पनि आफूले भारतको नकारात्मक कुराको आलोचना नरोक्ने बताएका छन् ।
भारतको निर्णयपछि मलेसियाली पाम प्रशोधन व्यवसायले नोक्सानी व्यहोर्नुपरेको छ । महाथिरले यसको समाधान गर्ने बताएका छन् । भारतले आफ्ना पाम आयातकर्ता व्यवसायीलाई मलेसियाबाट आयात नगर्न आन्तरिक निर्देशन दिएको बुझिएको छ । सोसँगै भारतीय आयातकर्ताले इन्डोनेसियाबाट पाम तेल आयात थालेका छन् । भारतको विदेश मन्त्रालयले गत बिहीबार पछिल्लो कदम कुनै पनि देशलक्षित नभएको स्पष्टीकरण दिएको थियो । सन् २०१९ मा भारतले मलेसियाबाट धेरै पाम तेल आयात गरेको थियो ।
उक्त वर्ष भारतले ४४ लाख टन तेल आयात गरेको थियो तर २०२० मा १० लाख टनभन्दा कम आयात हुनसक्ने बताइएको छ । भारतले आयात नगर्ने भएपछि मलेसियाले पाकिस्तान, फिलिपिन्स, म्यान्मार, भियतनाम, इथियोपिया, साउदी अरेबिया, इजिप्ट, अल्जेरिया र जोर्डनमा पाम तेल बिक्रीका लागि प्रयास गरिरहेको छ । धेरै तेल आयातकर्ताको प्रतिस्थापन सहज नहुने बताइएको छ । सोही कारण मलेसियाली ट्रेड युनियन संघले भारतसँग वार्ता गर्न सरकारलाई आग्रह गरेको छ ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया