लन्डन, माघ २
सेथ भान बिकले सधैँ ठूलो सपना देखे। त्यही सपनाले उनलाई बेलायतकै सबैभन्दा कान्छा र योग्य व्यावसायिक पाइलट बनायो । सेथ भानले पाएको यो लोभलाग्दो प्रगतिको श्रेय भने उनकी आमालाई जान्छ। छोराको सपना साकार पार्न उनले आफ्नो घर नै बेचेकी थिइन् । सेथले गत अक्टोबरमै १८ महिने तालिम सकेर यात्रुवाहक हवाइजहाज उडाउने लाइसेन्स पाएका थिए । किशोरावस्थामै उनले पाएको सफलता यो पुस्ताकै लागि उदाहरणीय बन्न पुगेको छ । उनले ग्रिसमा १८ महिनाको तालिम लिए। यसका लागि ८५ हजार पाउन्ड स्टर्लिङ खर्चिए। जुन रकम भनेको आजको विनिमयअनुसार १ करोड २५ लाख रुपैयाँ हो । तालिमका क्रममा उनले १ सय ५० घण्टा आकाशमा बिताए ।
हाल उनी रोजगारीको खोजीमा छन्। उनको इच्छा छ – ब्रिटिश एयरवेजको जहाज उडाउने । उत्तर पश्चिम लण्डनका उनले ८ वर्षदेखि नै पाइलट बन्ने सपना देखेका थिए । ‘मेरोे मम्मी सानैदेखि यात्राकी पारखी हुनुहुन्थ्यो, मलाई संसार घुमाउन विदामा लग्नुहुन्थ्यो’, सेथ भन्छन्, ‘मलाई उडान एकदमै मन पर्छ, जहिले पनि उडानमा म आफूलाई सुरक्षित महसुस गर्छु, जति म बस वा कारमा हुँदा गर्दिनँ ।’ यद्यपि आफूसँग गाडीको लाइसेन्स रहेको उनी बताउँछन् । १६ वर्षको उमेरमा सेथले स्कुल छोडेका थिए। एग्नासिया एभिएसन ट्रेनिङ कलेज ग्रिसमा उनले प्रवेश परीक्षा दिए र उत्तीर्ण भए । सन् २०१८ को अप्रिलमा १८ महिनाको कोर्स सुरु गरे। उनले सो क्रममा १४ वटा परीक्षा दिएका थिए । यसमा सैद्धान्तिक र व्यावहारिक उडानबारे थिए । ग्रिसको कावाला इन्टरनेशनल एयरपोर्टमा उनले जहाज उडाएका थिए ।
हप्तामा उनले पाँच पटक जहाज उडाउँथे। सुरुवातमा केवल ६० मिनेट उडाए पनि पछि पछि उनले पाँच घण्टासम्म जहाज उडाउन पाए । त्यसपछि सेप्टेम्बरमा उनले कोर्स पूरा गरे । आफ्ना सहपाठीमध्ये सर्वोत्कृष्ट नतिजा ल्याउन सफल भएका उनले एक महिनापछि युरोपेली हवाइ सुरक्षा संस्थाबाट लाइसेन्स पाएका हुन् । छोराको पाइलट बन्ने सपना पूरा गर्न सेथकी आमा ४२ वर्षीया फ्रान्सिसले मिल्टन काइनीमा रहेको तीनवटा बेडरुमयुक्त घर बेचेकी थिइन् । त्यसपछि फ्ल्याटमा बस्न थालिन् । त्यसबाट ८५ हजार पाउन्ड जुटाएर छोराको लाइसेन्स निकालिन् ।
‘म सधैँ कक्षामा प्रथम हुन चाहन्थेँ’, सेथ भन्छन्। त्यसो हुँदा आफ्नो आमालाई पनि लागोस् कि छोराको सपना निकै महत्वपूर्ण छ भन्ने देखाउन पाइन्थ्यो । सेथकी आमा जिम्बाबेबाट बेलायत आएकी हुन्। आफूले राम्रो शिक्षा नपाएको कारण छोरालाई सपना पूरा गरोस् भन्ने उनलाई लागेको थियो । सेथ ब्रिटिश एयरवेजको जहाज उडाउन चाहन्छन्। उक्त एयरवेजका कतिपय पाइलटले २ लाख पाउन्डभन्दा माथि वार्षिक आम्दानी गर्छन् । डेली मेलबाट भावानुवाद ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया