नयाँ दिल्ली, माघ ३
चर्चित अनलाइन खुद्रा बिक्रेता अमेजनका प्रमुख जेफ बेजोजले भारतमा १ अर्ब अमेरिकी डलर लगानी गर्ने घोषणा गरेका छन् । भारत उदाउँदो बजार भएको भन्दै बेजोजले भारत भ्रमणका क्रममा उक्त लगानी गर्ने घोषणा गरेका हुन् । बेजोसका अनुसार कम्पनीले उक्त लगानी रकम साना र मध्यम व्यवसायलाई डिजिटल प्रविधिमा रुपान्तरणमा खर्च गरिनेछ । नयाँ दिल्लीमा आयोजित एक कार्यक्रममा उनले २१औँ शताब्दी भारतीय शताब्दी हुने पनि दाबी गरे । उनी तीन दिनका लागि भारत आएका हुन् ।
आफ्नो व्यवसाय धरापमा पारेको भन्दै उनीविरुद्ध साना व्यवसायीले ३ सय भारतीय सहरमा प्रदर्शन गर्ने योजना बनाएका थिए । अत्यधिक छुट दिएर व्यवसाय गरेको भन्दै भारतमा अमेजन, फ्लिपकार्टजस्ता खुद्रा अन्तर्राष्ट्रिय कम्पनीविरुद्ध विरोध हुँदै आएको छ । बेजोजले बुधबार उक्त कार्यक्रममा सन् २०२५ सम्ममा १० अर्ब डलरबराबरको भारतमा बनेका सामग्री निर्यात गर्ने अपेक्षा समेत गरेको बीबीसीले जनाएको छ । यसअघि नै अमेजनले भारतमा साढे ५ अर्ब अमेरिकी डलर लगानी गर्ने प्रतिबद्धता जनाइसकेको छ । भारतमा अहिले बेजोजको अमेजन र वालमार्टको फ्लिपकार्टले अनलाइन बजारमा आधिपत्य जमाउँदै आएका छन् ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया