तालिबानको कब्जापछि अफगानिस्तानसँग पाकिस्तानको व्यापार ह्वात्तै बढ्यो
इस्लामाबाद । पाकिस्तानको अफगानिस्तानसँगको द्विपक्षीय व्यापार तालिबानले कब्जा गरेपछि ह्वात्तै बढेको छ । गत आइतबार तालिबानले अफगानिस्तान कब्जा गरेको थियो । पाकिस्तानी पश्चिमी सीमामा कार्गो सवारीसाधन र व्यापारीहरुको संख्यामा उल्लेख्य वृद्धि देखिएको डन अनलाइनले जनाएको छ । तालिबानले स्पिन बोल्डाक जिल्लानजिकै बलोचिस्ताानको चामन सीमा कब्जा गरेको जुलाईको दोस्रो हप्तामा द्विपक्षीय व्यापार न्यून तहमा पुगेको थियो ।
पाकिस्तानी भन्सारको तथ्यांकले अगस्ट १५ मा द्विपक्षीय व्यापारमा ऐतिहासिक गिरावट आएको देखाएको छ । यसअनुसार चार सय ७५ मालवाहक ट्रकहरु ओहोरदोहोर गरेका थिए । निर्यात, आयात र ट्रान्जिट सामानहरुसहितका ती ट्रकले तोर्खाम, चामन, खारलाची र गुलाम खान सीमा पार गरेका थिए । अगस्ट १५ मा तालिबानले काबुल कब्जा गर्दै विजय पाएको घोषणा गरेको थियो ।
तालिबानका प्रवक्ताले पहिलोपटक मंगलबार पत्रकार सम्मेलन गरी छिमेकी देशसँगको व्यापारलाई निरन्तरता दिने बताएका थिए । उनले व्यापार प्रवर्द्धन गर्ने पनि प्रतिबद्धता जनाएका थिए । सीमा क्षेत्रमा ट्रकहरुको आवतजावत बुधबार (अगस्ट १७ मा) एक हजार एक सय २३ पुगेको बताइएको छ । यसमा अझै वृद्धि हुन सक्नेछ । बहिर्गमित अफगान प्रशासनसँग विभिन्न मुद्दाहरु रहेका कारण पाकिस्तानको छिमेकी देशसँगको व्यापार राम्रो हुन सकिरहेको थिएन ।
क्याटेगोरी : विश्व बजार
ताजा अपडेट
- नक्कली भुटानी शरणार्थी प्रकरणमा फरार बेचन झा पक्राउ
- रूसको सीमावर्ती गाउँमा युक्रेनी ड्रोन आक्रमणमा पाँच जनाको मृत्यु
- एकीकृत समाजवादीको दशौँ राष्ट्रिय महाधिवेशन भोलिदेखि
- वैदेशिक रोजगार मागपत्रको प्रमाणीकरण ‘अनलाइन’बाट
- बचतकर्ताको रकम हिनामिना गरेका श्री लालिगुराँस सहकारीका प्रमुख अधिकृत सुरेन्द्र भण्डारी पक्राउ
- पहिराले मध्यपहाडी राजमार्ग र कालीगण्डकी करिडोरु अबरुद्ध
- डोटीमा ट्याक्टर दुर्घटनामा निधन
- पूर्व गृहमन्त्री बादलका छोरा प्रतीक पक्राउ
धेरैले पढेको
- अवकाश पाइसकेको हुनुपर्ने सिग्देल प्रधान सेनापतिको उम्मेदवार ?
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया