बेइजिङ । चिनियाँ बालबालिकाले अब चिनियाँ भर्सनको टिकटक ‘डाउयिन’ ४० मिनेट मात्रै दैनिक प्रयोग गर्न पाउने भएका छन् । यो नियम १४ वर्षमुनिका बालबालिकाको हकमा लागू हुनेछ । त्यसमा बालिबालिकाले बिहान ६ बजेदेखि बेलुका १० बजेसम्ममा ४० मिनेट मात्रै पहुँच पाउनेछन् । जसले आफू १४ वर्षमुनिको भनी एकाउन्ट प्रमाणित गराएका छन् उनीहरुले डाउयिनको सीमित समय पाउने भएका हुन् ।
बीबीसीका अनुसार मातृकम्पनी बाइटीडान्सले एपको युथ मोड घोषणा गरेको हो । छोटा भिडियोहरु सेवाप्रदायक कम्पनीले पहिलोपटक समयसीमाको नियम ल्याएको बताइएको छ । पछिल्लो समय चीनले प्रविधि कम्पनीमाथि निगरानी बढाइरहँदा बाइटीडान्सले यस्तो कदम चालेको हो । डाउनको प्रयोगसम्बन्धी सम्झौतामा न्यूनतम उमेर निर्धारण नगरिए पनि १८ वर्षमुनिकाको हकमा भने कसैको संरक्षकत्व खुलाउनुपर्ने हुन्छ । यसैको भगिनी एप टिकटकमा न्यूनतम उमेर सीमा १३ वर्ष लागू गरिएको छ ।
युथमोडमा डाउयिनले नयाँ शैक्षिक विषयवस्तु पनि ल्याएको छ । यसमा बालबालिकाले वैज्ञानिक परीक्षणहरु, संग्रहालय प्रदर्शन र इतिहाससम्बन्धी ज्ञान आर्जन गर्न सक्नेछन् । डाउयिनले ब्लगपोस्टमा किशोरावस्थाका लागि कडा नीति अख्तियार गर्ने बताएको छ । उसले विषयवस्तुमा पनि उत्तिकै ध्यान दिने बताएको छ ।
गत महिना चिनियाँ सरकारी अधिकारीहरुले १८ वर्षमुनिका बालबालिकालाई भिडियो गेम खेल्न पनि कडाइ गरेको थियो । उनीहरुलाई शुक्रबार र विदामा पनि एक घण्टा मात्रै खेल्न पाउने नियम ल्याएको थियो । गत फेब्रुअरीमा चिनियाँ बालबालिकालाई स्कुलमा मोबाइल लैजान प्रतिबन्धित गरिएको थियो ।
क्याटेगोरी : विश्व बजार
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया