लन्डन । संयुक्त राज्य अमेरिकाले बेलायती भेडाको मासु आयातमाथि लगाएको प्रतिबन्ध हटाउने भएको छ । बीबीसीका अनुसार बेलायती प्रधानमन्त्री बोरिस जोन्सनले यस्तो घोषणा गरेका हुन् ।
योसँगै अब बेलायती किसानहरुले दशकयता पहिलोपटक भेडाको मासु अमेरिका निर्यात गर्न सक्ने भएका छन् । संयुक्त राष्ट्रसंघीय महासभामा भाग लिन अमेरिकामा रहेका प्रधानमन्त्री जोन्सनले अमेरिकासँग स्वतन्त्र व्यापार सम्झौता हुनलागेको भन्ने दाबीलाई भने अस्वीकार गरेको बताइएको छ । तर सरकारले बेलायती निर्यात प्रवर्द्धनको लागि व्यावहारिक कदम चाल्ने उनले बताए ।
अमेरिकाले सन् १९८९ यता बेलायतबाट भेडाको मासु र बिफ आयात गरेको छैन । म्याड काउ रोगले चिनिने बीएसईको संक्रमण फैलिएपछि अमेरिकाले बेलायतबाट ती मासु आयातमाथि प्रतिबन्ध लगाएको थियो ।
गत वर्ष सेप्टेम्बरमै बेलायती बिफ आयातमाथिको प्रतिबन्ध हटिसकेको छ । यद्यपि भेडाको मासु कहिलेदेखि अमेरिकाले स्वीकार्नेछ भन्ने खुलेको छैन । अमेरिकी कृषि विभागले सन् २०१६ यता नै प्रतिबन्ध फुकुवाको तयारी गरिरहेको थियो । अर्को वर्षदेखि मासु आयातको बाटो खुल्ने आशा बेलायतले गरेको छ ।
क्याटेगोरी : विश्व बजार
ताजा अपडेट
- नेपाली बजारमा एलजीको नानोसेल टीभी सार्वजनिक
- नेसनल लाइफद्वारा बागमती प्रदेशका सीईओ क्लब सदस्यलाई सम्मान
- इ–सेवाको घर जित्ने विजेता घोषणा हुने
- धनी देशले प्रत्येक वर्ष तीन सय अर्ब अमेरिकी डलर तिर्ने सहमति
- सरकारी खर्चको वर्तमान अवस्था र स्थिति
- नेपालमा नबढेको चिनियाँ पर्यटकको संख्या
- द्वन्द्वपीडितका घाउचोटको छिटो उपचार गर
- राष्ट्रिय गौरवका आयोजनाका समस्या तत्काल समाधान गर्न प्रधानमन्त्रीको निर्देशन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया