इस्लामाबाद । अफगानिस्तान ट्रान्जिट भएर हुने व्यापार र पाकिस्तानको अफगानिस्तानमा हुने निर्यातमा कमी आएको छ । गत अगस्टमा अफगानिस्तान कब्जा गरी सत्तामा तालिबान आएयता पाकिस्तानको निर्यात व्यापारमा धक्का लागेको हो ।
अगस्ट महिनामा कार्गो आवागमनमै १६ प्रतिशतले कमी आएको छ । सेप्टेम्बरमा यस्तो दर झनै बढी अर्थात् ७३ प्रतिशत रहेको छ । तालिबानले सत्ता लिएपछि छाएको अनिश्चिततालाई यसको मुख्य कारण मानिएको छ । डन अनलाइनका अनुसार सेप्टेम्बरमा ७३ प्रतिशतले घटेर कार्गो आवागमन चार हजार दुई सय १२ मा झरेको छ । अघिल्लो वर्ष सोही महिनामा १५ हजार आठ सय ४६ यस्तो आवागमन भएको थियो ।
त्यस्तै अगस्ट महिनामा कन्टेनरहरुको प्रवाह घटेर सात हजार आठ सय ६४ मा झरेको छ । अघिल्लो वर्ष सोही दर नौ हजार तीन सय १२ थियो । यो भनेको १६ प्रतिशतले कम हो । पाकिस्तानले केही वर्षयता अफगानिस्तान ट्रान्जिट भएर हुने व्यापारको हिस्सा फेरि प्राप्त गरेको थियो । फलतः सन् २०२१ को अप्रिलमा ट्रान्जिट कार्गो प्रवाह १६९ प्रतिशतले बढेको थियो । मेमा ११५ प्रतिशतले, जुनमा ३२ प्रतिशतले र जुलाईमा ६० प्रतिशतले बढेको थियो । त्यतिमात्र होइन दुई देशीय व्यापार समेत घटेको बताइएको छ ।
गत वर्षको तुलनामा चालू आर्थिक वर्षका दुई महिनामा यस्तो व्यापार घटेको छ । जुलाई र अगस्टमा पाकिस्तानले साढे नौ करोड डलरको निर्यात गरेको छ । अघिल्लो वर्ष सोही महिनामा १२ करोड ३७ लाख अमेरिकी डलरको निर्यात गरेको थियो । यो भनेको २२.७ प्रतिशतले कमी आएको हो ।
क्याटेगोरी : विश्व बजार
ताजा अपडेट
- चिसो बढेसँगै कालीगण्डकीमा जलयात्रा बन्द
- आज पनि सुनको मूल्य घट्यो
- मुक्तिनाथ विकास बैंकका ग्राहकलाई जेनो फार्मेसी र निरभाना फिजियोथेरापीमा छुट
- गरिमा रोड रेस कम्पिटिसन सम्पन्न
- भुक्तानी प्रदायक कम्पनीलाई कर्मचारीबाट खतरा
- कानुन निर्माणमा ढिलाइका कारणहरू
- सहकारी ठगी महारोगमा परिणत
- संयुक्त निर्वाचन सञ्चालन केन्द्र स्थापना
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया