अमेरिका, माघ २४
चर्चित सामाजिक सञ्जाल ट्विटरले पहिलोपटक त्रैमासिक आम्दानी १ अर्ब डलर नजिक हासिल गरेको छ । मिडियाहरुका अनुसार यो आम्दानी अनुमान गरेभन्दा बढी हो । कम्पनीको सेयर बजारमा ६ प्रतिशत बढी अंकले वृद्धि भएको छ ।
धेरैजसो आम्दानी अमेरिकाबाट भएको बताइएको छ । यही वर्ष कम्पनीविरुद्ध अमेरिकामा अनुसन्धान समेत हुँदै छ । आगामी नोभेम्बरमा हुने राष्ट्रपतीय चुनावमा गलत सूचना प्रवाहलाई रोक्न नियामक निकायले सामाजिक सञ्जालहरुको कडा नियमन गर्नलागेका हुन् । कम्पनी स्वयंले पनि त्यसलाई रोक्ने प्रतिबद्धता जनाइसकेको छ । समसामयिक विषयवस्तु् र नोटिफिकेसनलाई जानकारी दिनेतर्फ केन्द्रित भइरहेको कारण ट्विटरको सक्रिय प्रयोगकर्ता पछिल्लो समय बढेको छ ।
चौथो त्रैमासिकमा कम्पनीको प्रयोगकर्ता बढेर १५ करोड २० लाख पुगेको छ । १ वर्षअघि कम्पनीको प्रयोगकर्ता १२ करोड ६० लाख रहेको थियो । कम्पनीको त्रैमासिक आम्दानी समेत गत वर्षको तुलनामा ११ प्रतिशतले बढेको छ । विश्लेषकहरुले ९९ करोड ६७ लाख डलर आम्दानी हुने अनुमान प्रक्षेपण गरेका थिए । कुल विज्ञापन आम्दानी ८८ करोड ५० लाख अमेरिकी डलर रहेको छ । जुन वर्षगत तुलनामा १२ प्रतिशतले बढी हो ।
यद्यपि कम्पनीले पहिलो त्रैमासिक आम्दानी ८२ करोड ५० लाखदेखि ८८ करोड ५० लाख डलरसम्म हुने अनुमान गरेको छ । जुन वालस्ट्रिटको अनुमानभन्दा कम हो । वालस्ट्रिटले ८७ करोड २६ लाख डलरको अनुमान गरेको छ । ट्विटरले चौथो त्रैमासिकको कुल आय अनुमानभन्दा कम रहेको देखिएको छ । कुल आय ११ करोड ९० लाख डलर रहेको छ । गत वर्षको सोही अवधिमा कम्पनीको आय २५ करोड ५० लाख डलर थियो । कम्पनीले प्रतिकित्ता सेयरमा २५ सेन्ट आम्दानी गरेको छ ।
यो पनि सोचेभन्दा कम हो । २९ सेन्ट आम्दानी हुने अनुमान थियो । ट्विटरको कुल अमेरिकी आम्दानी भने १७ प्रतिशतले बढेर ५९ करोड १० लाख डलर पुगेको छ । अन्तर्राष्ट्रिय राजस्व भने ३ प्रतिशतले बढेको छ । गत नोभेम्बरमा ट्विटरले राजनीतिक विज्ञापन नगर्ने निर्णय गरेको थियो ।
क्याटेगोरी : विश्व बजार
ताजा अपडेट
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
- रास्वपाले दोस्रो चरणको आन्दोलन चलाउने
- साइबर प्रविधिमा आधारित ठगीमा विद्यार्थी बढी संलग्नः राष्ट्र बैंक
- जानकी विवाह महोत्सवको निम्तो दिन मुख्यमन्त्रीको टोली अयोध्या प्रस्थान
- बीमा प्राधिकरण र एक्चुरियल सोसाइटीबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया