लन्डन, फागुन २
बेलायतका अर्थमन्त्री साजिद जाविदले आफ्नो पदबाट बिहीबार राजीनामा दिएका छन् । प्रधानमन्त्री बोरिस जोनसनले जाविदको राजिनामा स्वीकृत गर्दै नेता ऋषि सुनकलाई नयाँ अर्थमन्त्रीको रूपमा नियुक्त गरेका छन् । ३९ वर्षीय सुनक एक व्यापारिक पृष्ठभूमिबाट अर्थमन्त्री बनेका छन् । उनले बेलायतको राजस्व हेर्ने मुख्य सचिवको जिम्मेवारी सम्हालेका थिए ।
डिसेम्बरको चुनावमा संसदमा बहुमत ल्याएपछि बनेको जोनसन सरकारले आफ्नो मन्त्रिपरिषद्को पहिलो फेरबदलमा अर्थमन्त्रीलाई पारेको जाविदका प्रवक्ताले पुष्टि गरेका छन् । बेलायतको समाचार संस्था प्रेस एसोसिएसनले जाविदको निकटस्थ एक अज्ञात स्रोतलाई उद्धृत गर्दै लेखेको छ, ‘जोनसनले जाविदलाई आफ्नो सहयोगीहरूको समूहबाट बर्खास्त गर्न चाहेको तर उनले अस्वीकार गरेपछि राजिनामा दिनुभएको छ ।’
‘उहाँले चान्सलर अफ एक्सचेकरलाई पनि अस्वीकार गर्नुभएको छ’, स्रोतले भन्यो, ‘प्रधानमन्त्रीले अर्थमन्त्रीका सबै विशेष सल्लाहकारलाई हटाई संयुक्त अधिराज्यको सल्लाहकारको एउटै समूह बनाउने तयारी गरेपछि जाविदले राजिनामा दिनुभएको हो ।’
‘कुनै पनि स्वाभिमानी मन्त्रीले यी सर्तहरू स्वीकार गर्दैनन्’, उनले भने । बेलफास्टमा गठबन्धन सरकारको पुनः स्थापनाका लागि भूमिका निभाएका उत्तरी आयरल्याण्डका मन्त्री जूलियन स्मिथलाई प्रतिस्थापित गरेपछि असन्तुष्ट बनेका जाविदले अर्थमन्त्रीबाट राजीनामा दिएका हुन् । ५० वर्षीय जाविद एक वरिष्ठ बैंकरबाट राजनीतिमा आएका थिए । पूर्वअर्थमन्त्री फिलिप ह्यामण्डको स्थानमा अर्थमन्त्री हुनुभन्दा पहिले उनले गृहमन्त्रीको जिम्मेवारी सम्हालेका थिए । रासस/एएफपी
क्याटेगोरी : विश्व बजार
ताजा अपडेट
- ऐतिहासिक चन्दन भराटेश्वर महादेव मन्दिर परिसरमा पूर्वाधार निर्माण थालियो
- नेपाल र बङ्गलादेशबीच जलवायुका विषयमा सहकार्यकोे महत्व छ: मन्त्री शाही
- कांग्रेस आकस्मिक बैठक: शोक प्रस्ताव पारित, दुई दिन आधा झण्डा झुकाउने
- पूर्वसभामुख ढुङ्गानाप्रति देउवाद्वारा श्रद्धाञ्जली अर्पण
- प्रधानमन्त्री ओलीद्वारा पूर्वसभामुख ढुङ्गानाप्रति श्रद्धाञ्जली अर्पण
- आर्जन सहकारीको सम्पूर्ण सूचक सकारात्मक
- घोराही सिमेन्टको ‘ढलाई मिक्स पीपीसी सिमेन्ट’ बजारमा
- लुम्बिनी लायन्सको जर्सीको औपचारिक अनावरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया