युरोप, फागुन ५
फ्रान्सेली कार निर्माता रेनालाई गत वर्ष १० वर्षयताकै पहिलो नोक्सानीको सामना गर्नुपरेको छ । सन् २०१९ मा रेनोले कुल १४ करोड १० लाख युरो घाटा व्यहोरेको हो । बिक्री घटेको र जापानी साझेदार निसानको कम सहयोगका कारण कम्पनीले उक्त घाटा व्यहोरेको बताइएको छ । रेनोले सञ्चालन मुनाफामा सन् २०२० का लागि घाटाको सामना गर्नुपरेको शुक्रबार जनाएको हो ।
गत वर्ष कम्पनीको अपरेटिङ मार्जिन ६.३ प्रतिशतबाट ४.८ प्रतिशतमा झरेको जनाएको छ । यसका बाबजुद कम्पनीले अक्टोबरमा पेस गरेको संशोधित लक्ष्य भेट्टाएको दाबी गरेको छ । साझेदार कम्पनी निसान वर्षैभरि प्रमुखविहीन बनेको थियो । पूर्वप्रमुख कार्लोस गोसन जापानमा पक्राउ परेपछि सन् २०१९ भरि कम्पनी प्रमुखविहीन बनेको थियो । पछि उनी भागेर लेबनान पुगेका छन् ।
रेनाले विश्व अटोबजारमा संघर्ष गरिरहेको छ । उसको आम्दानी ३.३ प्रतिशतले घटेर ५५ अर्ब युरोमा झरेको छ । त्यस्तै बिक्री पनि ३.४ प्रतिशतले घटेर ३७ लाख ५० हजारवटामा झरेको छ । सन् २०२० मा पनि कम्पनीलाई गाह्रो हुन सक्ने बताइएको छ । त्यस्तै निसानको नाफामा पनि ठूलो परिमाणमा गिरावट आएको बताइएको छ । गोसन पक्राउपछि कम्पनीले कमजोर मागको सामना गरेको छ । त्यसमाथि कोरोना भाइरसको महामारीको चपेटामा पर्नुपरेको बताइएको छ । रेनोको शुक्रबार सार्वजनिक तथ्यांक सन् २००९ यताकै खराब भएको कम्पनीले जनाएको छ ।
क्याटेगोरी : विश्व बजार
ताजा अपडेट
- दहचोकस्थित इन्द्रदहमा स्नान तथा मेला भर्न भक्तजनको घुइँचो
- जोमसोमको ऐतिहासिक काठेपुल सौन्दर्यकरण गरिँदै
- २५ सय ७६ बिन्दुमा खुम्चियो शेयर बजार
- ‘संविधानलाई प्रभावकारी बनाउन आपसी सहकार्य र समन्वय आवश्यक छ’
- बुद्ध एयरले भारतको वाराणसीमा उडान थप्यो
- ट्याक्टर सेती नदीमा खस्दा दुई जना बेपत्ता
- शिक्षा क्षेत्रको पछ्यौटेपन हटाउन सरकार लागिपरेको छ: प्रधानमन्त्री
- दिल्लीका मुख्यमन्त्री केजरीवालद्वारा पदबाट राजीनामा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया