बेइजिड., फागुन ११
चीनमा कार बिक्री ९२ प्रतिशतले घटेको छ । पछिल्लो समय फैलिएको कोरोनाभाइरसका कारण चीनमा कार बिक्री फेब्रुअरीमा ह्वात्तै घटेको छ । बीबीसीका अनुसार कार डिलरशिपहरु भाइरसका कारण बन्द रहँदा कार बिक्री घटेको हो । राष्ट्रव्यापी रुपमा फेब्रुअरी पहिलो साता कार बिक्री ९६ प्रतिशतले घटेको बताइएको छ । प्रतिदिन औसत ८ सय ११ वटा कारहरु बिक्री हुने गरेका छन् । द चाइना पेसेन्जर कार एसोसिएसन (सीपीसीए)का अनुसार शोरुमहरु खुल्न थालेपछि कार बिक्री बढ्न सक्नेछ । यो महिनाबाट डिलरहरु विस्तारै खुल्न थालेका छन् । फेब्रुअरीको उत्तरार्धतिर कार बिक्रीमा सुधार आउने अपेक्षा गरिएको छ ।
चिनियाँ कार निर्माता गिलीले भर्खरै अनलाइनबाटै कार बिक्री सुरु गरेको छ । उसले ग्राहकको घरमै कार पु-याउने व्यवस्था गरिएको जनाएको छ । चीन विश्वकै ठूलो कार बजार हो । चीनमा गत वर्षमात्रै २ करोड १० लाख वटा कारहरु बिक्री भएको स्टाटिष्टाको तथ्यांकले देखाएको छ । विश्वमा दोस्रो ठूलो बजार भने अमेरिका हो । त्यसो कोरोना भाइरस फैलिनुअघि नै चीनमा कार बिक्री घट्नथालेको थियो । चीनको अर्थतन्त्र नै सुस्त बन्दै गइरहेको र अमेरिकासँगको व्यापारिक तनावको असर परेको कारण यस्तो भएको हो ।
चीनमा कार बिक्री मात्रै हैन पछिल्लो परिस्थितिको कारण उत्पादनमा पनि असर गरेको छ । धेरै कार कम्पनीहरु यो हप्ता सञ्चालनमा आउने अपेक्षा गरिएको छ । तर पूर्ण क्षमतामा आउन अझै समय लाग्ने कम्पनीहरुले बताउँदै आएका छन् । भाइरसले प्रभावित हुनेमा कार उद्योग मात्रै छैनन्, सबै कलकारखानामा असर पुगेको छ । चर्चित स्मार्टफोन निर्माता एप्पलसम्मलाई भाइरस प्रकोपले असर गरेको छ । हालसम्म चीनमा सोही भाइरसका कारण मर्नेको संख्या २ हजार २ सय नाघिसकेको छ ।
क्याटेगोरी : विश्व बजार
ताजा अपडेट
- ई–सेवाद्वारा ट्राफिक प्रहरीलाई मोबाइल फोन हस्तान्तरण
- फोहोरमैला व्यवस्थापन गर्न ढिलाइ नगरौँ: उपप्रधानमन्त्री सिंह
- सुनको मूल्य आज एक लाख ६७ हजार दुई सय कायम
- ‘सबैको पहुँचमा शुद्ध र स्वच्छ खानेपानी सेवा पुर्याउनु सरकारको प्रमुख दायित्व’
- आज प्रधानमन्त्री ओलीले राष्ट्रिय गौरवका आयोजनाहरूको अवस्था बारे जानकारी लिने
- एकीकृत समाजवादीले नेताहरूको जिम्मेवारीको टुङ्गो लगायो
- सभामुख घिमिरेद्वारा कम्बोडियन समकक्षीसँग भेट
- एक सय ११ मुलुकसँग व्यापार घाटा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया