नयाँ दिल्ली । भारतमा कोइला संकट चलिरहेको छ भने यसलाई टार्न विदेशबाट कोइलाको आयात गर्नुपरिरहेको छ । ब्लुमबर्गको एक रिपोर्टमा भने भारत र एसियाकै सबैभन्दा धनी गौतम अदानीलाई यही कारण फाइदा मिलिरहेको उल्लेख गरिएको छ । सरकारी कम्पनी एनटीपीसीले दुई करोड टन कोइलाको आयात गर्न अर्डर दिएको छ । यसमा एक करोड ७३ लाख टन कोइलाको अर्डर अदानी ग्रुपको फ्ल्यागशिप कम्पनी अदानी इन्टरप्राइजेज लिमिटेडलाई मिलेको भारतीय सञ्चारमाध्यमले जनाएका छन् ।
एनटीपीसीलाई यो वर्ष अहिलेसम्म ७० लाख टन विदेशी कोइला मिलिसकेको छ । यो मामिलामा अदानी ग्रुप र एनटीपीसीले तत्काल कुनै प्रतिक्रिया भने दिएको छैन । भीषण गर्मी र कोरोनाको महामारी कम हुँदा औद्योगिक गतिविधि बढेसँगै भारतमा बिजुलीको माग कीर्तिमानी स्तरमा पुगेको छ । त्यहीबेला कोइला कम हुँदा सरकारले कम्पनीहरुलाई कोइला आयात गर्न लगाएको हो । कोल इन्डियाले जुनमा कोइलाको आयातको लागि टेन्डर निकालेको थियो । जुन कम्पनीको पहिलो टेन्डर थियो ।
ब्लुमबर्ग इन्टेलिजेन्स एनालिस्ट डेनिस वङले सोमबार एक नोटमा भनेका छन् । कोइला आयातमा बढोत्तरी हुँदा अदानीको पोर्ट कम्पनीलाई फाइदा भएको छ । जुन त्रैमासिकमा उसको राजस्व समेत बढ्नसक्नेछ । बिजुली बनाउने कम्पनीसँगै फिक्स्ड कन्ट्राक्ट्स र स्टङ ट्रान्सपोर्टेसन नेटवर्कको कारण कम्पनी यसको फाइदा उठाउने स्थितिमा आइपुगेको हो । आयातको कारण पावरप्लान्टमा कोइलाको भण्डारमा पछिल्लो एक महिनामा करिब ११ प्रतिशत बढोत्तरी भएको छ ।
क्याटेगोरी : विश्व बजार
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया