हङकङ । एसियाकै धनाढ्य याङ हुइयानले कमाएको आधा सम्पत्ति गुमाएकी छिन् । हुइयानको सम्पत्ति २४ अर्ब डलरबाट घटेर ११ अर्ब डलरमा झरेको हो । खासगरी चीनको सम्पत्ति संकट गहिरिँदा यसको प्रभाव परेको ब्लुम्बर्ग अर्बपति सूचकांकले देखाएको छ ।
४१ वर्षीया उनी कन्ट्री गार्डेन होल्डिंग्सकी स्वामित्वकर्ता हुन् । यो बिक्रीका हिसाबले चीनकै ठूलो घरजग्गा डेभलपर हो । उनको धेरै सेयर बुबा याङ गुओकियाङबाट हस्तान्तरित भएको हो । याङले गुआङदोङ प्रान्तको फोसानमा सन् १९९२ मा कम्पनी स्थापना गरेका थिए । यो वर्ष कन्ट्री गार्डेनले आफ्नो सेयरको आधा मूल्य गुमाएको छ । चीनको घरजग्गा क्षेत्रले घरको मूल्य घट्दा संघर्ष गर्नुपरिरहेको छ । माग समेत निकै कमजोर भएको छ भने कम्पनीहरु ऋण तिर्न नसक्ने अवस्थामा छन् । यस्तो अवस्थामा गत वर्षयता केही त ठूला कम्पनीहरु समेत समस्यामा परेको बताइएको छ ।
कमाएको आधा सम्पत्ति घट्नुका बाबजुद याङ नै एसियामा सबैभन्दा धनी रहेको ब्लुम्बर्गले जनाएको छ । यति ठूलो गिरावटपछि उनी र चीनमा रहेका समकक्षी अर्बपतिबीचका धनान्तर साँघुरिएको छ । सम्पत्तिका हिसाबले उनी फ्यान होंग्वेईभन्दा १० करोड डलरजति मात्र अगाडि छिन् ।
पछिल्ला केही हप्तामा घरजग्गा क्षेत्रमा संकट गहिरिँदो छ । हजारौँ घरक्रेता चिन्तित रहेको बताइएको छ । समयमै घर नबन्ने हो कि भन्ने चिन्तामा उनीहरु रहेको बताइएको छ । किनकि उनीहरुले पैसा लगानी गरिसकेका छन् ।
क्याटेगोरी : विश्व बजार
ताजा अपडेट
- लगानी बोर्ड बैठकः बूढीगण्डकीलगायत विभिन्न जलविद्युत् परियोजनाको लगानी स्वीकृत
- एमाले सांसद लीलाबल्लभ राखेकै कोठामा रास्वपा सभापती रविलाई राखियो
- गृह मन्त्रालयले गर्यो १२ उपसचिवहरुको सरुवा
- प्रधानमन्त्री ओलीको आसन्न चीन भ्रमणमा ८७ सदस्यीय टोली सहभागी हुने
- भ्रष्टाचार मुद्दामा विकल पौडेल र सफल श्रेष्ठलाई ८ वर्ष कैद,३ करोड बढी बिगो जरिवाना
- अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता
- वर्ल्डलिङ्क कम्युनिकेसन्समा फिनफण्डको एक करोड युरो लगानी
- रास्वपा सभापति लामिछानेलाई काठमाडौँ लगियो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया