पाकिस्तानमा विदेशी मुद्रा सञ्चिती अभाव चुलिँदै

इस्लामाबाद । पाकिस्तानका दुई ठूला कार एसेम्बलर टोयोटा र सुजुकीले अस्थायी रुपमा आआफ्ना प्लान्ट बन्द गर्ने भएका छन् । दुई कम्पनीले अर्को महिना प्लान्ट बन्द गर्ने भएका हुन् । रोयटर्सका अनुसार आयातमा गरिएको कडाइले कच्चा पदार्थको अभाव निम्त्याएपछि र विनिमय दरमा ठूलो उतारचढाव आएपछि कम्पनीहरुले यस्तो निर्णय लिएका हुन् ।

पाकिस्तानी सरकारले विदेशी मुद्रा सञ्चिति घट्नथालेको भन्दै केही हप्तायता आयातमा कडाइ गरिरहेको छ । पाकिस्तानमा अहिले विदेशी मुद्रा संकट गहिरिँदै जाँदा स्वदेशकै मुद्राको अवमूल्यन भएको छ भने चालू खाता घाटाको अन्तर फराकिलो हुँदै गएको छ ।

पाकिस्तानी रुपैयाँ वर्षगत तुलनामा २० प्रतिशतले अवमूल्यन भएको छ । आयातमा कडाइ गर्दा यसमै निर्भर उद्योगहरुमा भएका कच्चापदार्थ सकिएको छ भने केन्द्रीय बैंकले लेटर्स अफ क्रेडिटको प्रमाणीकरणमा ढिलाइ गरेको छ । बैंकहरुमा डलरको अभाव खट्किन थालेको छ ।

इन्दुस मोटरका कार्यकारी प्रमुख अलि अस्गर जमालीले कोटाअनुसार केन्द्रीय बैंकले लेटर अफ क्रेडिट अनुमति दिए अर्को महिना १० कार्यदिन मात्रै हुने बताए । इन्दुसले पाकिस्तानमा टोयोटाका गाडीको एसेम्बलिङ गर्छ । 

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments