ढाका । सरकारले मुलुकमा इन्धनको मूल्य ५० प्रतिशतभन्दा बढी वृद्धि गरेपछि बंगलादेशभरि विरोध प्रदर्शन भएको छ । इन्धनको मूल्यमा एक्कासि अत्यधिक वृद्धि भएको भन्दै विरोधमा बंगलादेश विद्यार्थी महासंघलगायतका केही विद्यार्थी संगठनले देशभर प्रदर्शन गरेका ढाका ट्रिब्यूनले जनाएको छ । यसैबीच प्रगतिशील विद्यार्थी गठवन्धनले पनि छुट्टै विरोध ¥याली आयोजना गरेको छ ।
‘पेट्रोलियम पदार्थको मूल्यवृद्धिले आम मानिसहरूको दैनिकी कठिन बनेको छ । सार्वजनिक सम्पत्तिमा सरकारले गरेको दुरुपयोगले मानिसहरूलाई यस सफ्टतर्फ पु-याएको छ’, प्रदर्शनमा सहभागीमध्येका एक विद्यार्थीलाई उद्धृत गरी ढाका ट्रिब्यूनले लेखेको छ । यसबाहेक, ढाकाका थुप्रै बसहरूले आइतबार यात्रुहरूबाट अत्यधिक भाडा लिइरहेका बताइएको छ ।
तथापि, बंगलादेश जत्री कल्याण समिति (बीजेकेएस) ले इन्धनको बढ्दो मूल्यका कारण बस भाडावृद्धिमा हालै भएको वृद्धिलाई अस्वीकार गर्दै ‘उचित लागत मूल्यांकनपछि नयाँ बस भाडा निर्धारण गर्नुपर्ने बताएको छ । यसैबीच, बंगलादेशी प्रकाशनले ढाका इलेक्ट्रिक सप्लाई कम्पनी लिमिटेड (डेस्को) अन्तर्गतका क्षेत्रका उपभोक्ताले आइतबार तीन घण्टा विद्युत् भार कटौतीको सामना गरेका छन् । शुक्रबार रातिदेखि लागू हुने गरी सरकारले डिजेलको मूल्य प्रति लिटर ३४ देखि ४६ टाकासम्म बढाएको हो ।
शुक्रबार मूल्यवृद्धिको समाचारसँगै ढाकाको मोहमदपुर, अगरगाँव, मालीबाघलगायतका क्षेत्रका थुप्रै स्टेसनले इन्धन वितरणलाई रोकेका र मध्यरातदेखि वृद्धि भएको मूल्यमा बिक्री पुनः सुरु हुने घोषणा गरेका ढाका ट्रिब्यूनले जनाएको थियो ।
क्याटेगोरी : विश्व बजार
ताजा अपडेट
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
- ‘उपकरण विस्फोटले ठूलो धक्का लाग्यो’
- मेटा र स्पोटिफाइद्वारा युरोपेली संघको आलोचना
- पलेशा र अन्य पारा खेलाडीलाई एनसेल फाउन्डेसनको सम्मान
- भैँसेपाटी स्पोर्ट्स एकेडेमी
- यज्डी मोटरसाइकलको तीन ठूला अफर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया