लण्डन । ठूला सात औद्योगिक देशहरुको समूह जी७ ले रुसी तेलमा प्राइस क्याप लगाउने भएका छन् । युक्रेनमाथि आक्रमण गर्ने रुसी क्षमता घटाउन प्राइस क्याप लगाउनलागेको सीएनएनले जनाएको छ ।
जी ७ अर्थात् संयुक्त राज्य अमेरिका, जापान, क्यानडा, जर्मनी, फ्रान्स, इटली र बेलायतका अर्थमन्त्रीहरुले विश्वव्यापी रुपमा प्राइस क्यापमाथि हुने रुसी कच्चा तेल र पेट्रोलियम प्रोडक्टहरुको समुद्री निकासी गर्ने सेवालाई प्रतिबन्ध लगाउनसक्ने उल्लेख गरेका छन् । योसँगै आयल शिपमेन्टको लगानी तथा बीमाबापतको रकम पनि रोकिनसक्नेछ ।
यसअनुसार अधिकतम मूल्य विभिन्न देशहरुको सहमतिमा निर्धारण गरिने संयुक्त वक्तव्यमा उल्लेख गरिएको छ । यसले युरोपेली संघको अर्को चरणको प्रतिबन्धसँगै लागू हुने बताइएको छ । ईयूले डिसेम्बरको सुरुबाट रुसी तेलको समुद्री आयातलाई प्रतिबन्ध लगाउनेछ । रुसले यसअघि नै प्राइस क्याप कार्यान्वयन गर्ने देशलाई तेल निर्यातमा प्रतिबन्ध लगाउने चेतावनी दिएको छ ।
‘हामी त्यस्तो कडाइ गर्ने देशलाई तेल निर्यात नै गर्दैनौँ’, उपप्रधानमन्त्री अलेजेन्डर नोभाकले बिहीबार भने । बाइडेन प्रशासनले धेरै महिनायता प्राइस क्याप लगाउने प्रस्ताव गर्दै आएको छ । तर यता मस्कोले भने चीन, भारतजस्ता देशलाई ठूलो परिमाणमा तेल दिएर अर्बौँ डलर कमाउँदै आएको छ ।
तर जी ७ का अर्थमन्त्रीहरुले भने युद्धलाई जुटाउने पैसा कम गराउन रुसविरुद्ध यस्तो कदम चालिएको बताएको छ । यद्यपि यसलाई कार्यान्वयन र व्यवस्थापन गर्न जटिल हुने देखिएको छ । यसका लागि ठूलो अन्तर्राष्ट्रिय समर्थन जुटाउनुपर्ने हुन्छ ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया