अमेरिका । पश्चिमा देशहरु कच्चा तेल निर्यात गर्ने देशको समूह (ओपेक प्लस)सँग चिढिएका छन् । गत हप्ता कच्चा तेल उत्पादन कटौती गर्ने निर्णय गरेका कारण पश्चिमा देश ओपेक प्लससँग रुष्ट बनेका हुन् ।
अन्तर्राष्ट्रिय ऊर्जा संस्था (आईईए)ले भने मूल्य बढाउन गरिनलागेको कटौतीले विश्व अर्थतन्त्रलाई मन्दीमा डो-याउने चेतावनी दिएको छ । यसअघि नै बढेको महंगी, ब्याजदरमा भएको वृद्धिसँगै तेलको मूल्य बढ्दा त्यसले धराशायी बनिरहेको विश्व अर्थतन्त्रलाई मन्दीमा लैजाने आईईएको भनाइ छ । बिहीबार संस्थाले तेल बजारसम्बन्धी मासिक प्रतिवेदन सार्वजनिक गरेको छ ।
अर्को वर्ष तेलको मागमा २० प्रतिशतभन्दा धेरैले कमी आउने पनि उसले जनाएको छ । अन्तर्राष्ट्रिय मुद्राकोषले यसअघि नै धेरै मानिसले सन् २०२३ मा मन्दीको अनुभव गर्ने बताएको छ । उसले विश्व आर्थिक वृद्धिदर अनुमान पनि ३.२ प्रतिशतबाट घटाएर २.७ प्रतिशतमा झारेको छ । साउदी अरेबिया र अन्य मुख्य तेल उत्पादकले आपूर्ति कटौती गर्दा विश्वमा तेलको सञ्चिति घट्ने र मूल्य बढ्नेछ । त्यसले ऊर्जा सुरक्षामा जोखिम निम्त्याउने आईईएको भनाइ छ ।
ओपेक प्लसले तेल उत्पादन प्रतिदिन २० लाख ब्यारेलको दरले कटौती गर्ने निर्णय गरेको छ । त्यो भनेको विश्व तेल मागको दुई प्रतिशतजति हो । यसले साउदी अरेबिया र अमेरिकाबीच दूरी बढाउनेछ । अमेरिका ओपेक प्लसको सदस्य रुससँग साउदीले साँठगाँठ गरेको यसअघि नै आरोप लगाइरहेको छ ।
गत हप्ता अमेरिकी राष्ट्रपति जो बाइडेनले त यही अवस्थामा साउदीसँगको सम्बन्धबारे पुनर्विचार गर्ने बताइसकेका छन् । तर ओपेक प्लसले भने बजार स्थिरताका लागि उत्पादन कटौतीको निर्णय लिएको उल्लेख गरेको छ ।
क्याटेगोरी : विश्व बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया