अमेरिका । प्रविधिको राजधानी मानिने अमेरिकाको सिलिकन भ्यालीमा धमाधम रोजगारी कटौती चलिरहँदा कम्तीमा एक सामाजिक सञ्जालले भने कर्मचारी थप्ने क्रमलाई निरन्तरता दिने भएको छ ।
अन्य चर्चित सामाजिक सञ्जालले पछिल्लो समय भएका कर्मचारी समेत हटाइरहेको अवस्थामा टिकटकले भने थप्ने क्रमलाई निरन्तरता दिने भएको हो । छोटा भिडियोमार्फत प्रयोगकर्तामाझ लोकप्रिय कम्पनीले झण्डै एक हजार इन्जिनियर थप्ने लक्ष्य रहेको जनाएको छ । टिकटकले आफ्नो माउन्टेन भ्यु कार्यालयमा उक्त संख्यामा इन्जिनियर ‘हायर’ गर्ने भएको हो । विशेष रुपमा गरिन लागेको कर्मचारी वृद्धिको उद्देश्य अमेरिकी प्रयोगकर्ताको विवरण अमेरिकाकै टोलीले हेर्नका लागि भएको बताइएको छ । टिकटकविरुद्ध पछिल्लो समय वासिङटनमा अनुसन्धान बढिरहेको छ । किनभने टिकटकको मातृकम्पनी बाइटीडान्सको चीनसँग सम्बन्ध रहेको छ ।
द इन्फरमेसनले पहिलोपटक टिकटकको यस्तो योजनाबारे उल्लेख गरेको सीएनएनले जनाएको छ । टिकटकका प्रमुख कार्यकारी शाउ जि च्युले गत हप्ताको एक मन्तव्यमा कम्पनीको कर्मचारी थप्ने योजनाबारे उल्लेख गरेका थिए । सिंगापुरमा ब्लुमबर्ग न्यु इकोनोमीमा आयोजित एक कार्यक्रममा उनले यसको पुष्टि गरेका थिए । अहिले कर्मचारी थप्ने निर्णय अत्यावश्यक रहेको पनि उनको भनाइ थियो ।
पछिल्ला केही हप्तामा मेटाले ११ हजार रोजगारी कटौती गर्ने बताएको छ भने ट्विटरले पनि कुलमध्ये आधा कर्मचारी हटाउने बताएको छ । त्यस्तै अमेजनले पनि कर्मचारी कटौती अघि बढाउने बताएको छ । कोभिड महामारीका बेला अमेजनले धेरै रोजगारी दिएको थियो । तर अहिले आवश्यक नभएको भन्दै कर्मचारी हटाउन थालिएको हो । सिलिकन भ्यालीबाट कर्मचारी हट्दै गर्दा टिकटकलाई पनि नयाँ कर्मचारी राख्न सहज हुने देखिएको छ । विश्वव्यापीस्तरका पदहरुमा टिकटकमा अहिले चार हजारभन्दा धेरै पद रहेको देखिएको छ ।
क्याटेगोरी : विश्व बजार
ताजा अपडेट
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया