कराची, फागुन २९
पाकिस्तानबाहिर रहेका पाकिस्तानीहरुले पठाएको रेमिट्यान्स आप्रवाह करिब साढे ५ प्रतिशतले बढेको छ । पाकिस्तानी मिडियाहरुका अनुसार चालू आर्थिक वर्षको पहिलो आठ महिनामा १५ अर्ब १२ करोड अमेरिकी डलर रेमिट्यान्स पाकिस्तान भित्रिएको हो । आव २०१८/०१९ को सोही अवधिमा १४ अर्ब ३५ करोड अमेरिकी डलर रेमिट्यान्स भित्रिएको थियो ।
मंगलबार स्टेट बैंक अफ पाकिस्तानले दिएको जानकारीअनुसार रेमिट्यान्स आउने क्रम निरन्तर बढिरहे पनि वृद्धिदर भने घटेको छ । गत वर्षको सोही अवधिमा १०.४४ प्रतिशतले रेमिट्यान्स आप्रवाह बढेको थियो । फेब्रुअरी महिनामा रेमिट्यान्स वर्षगत तुलनामा १६.४७ प्रतिशतले बढेर १ अर्ब ८२ करोड डलर पुगेको थियो । गत वर्ष सोही अवधिमा १ अर्ब ५८ करोड डलर भित्रिएको थियो । महिनागत तुलनामा भने ४.३५ प्रतिशतले घटेको छ । जनवरीमा १ अर्ब ९० करोड डलर भित्रिएको थियो ।
साउदी अरेबियाबाट सबैभन्दा बढी ३ अर्ब ४७ करोड डलर रेमिट्यान्स पाकिस्तान भित्रिएको छ । यो जुलाई–फेब्रुअरी २०१९–२० अवधिमा भित्रिएको रकम हो । गत वर्ष पनि उक्त अवधिमा ३ अर्ब ३४ करोड डलर भित्रिएको थियो । त्यस्तै यूएईबाट ३ अर्ब १३ करोड डलर, अमेरिकाबाट २ अर्ब ५५ करोड डलर, बेलायतबाट २ अर्ब ३० करोड डलर, गल्फ कोअपरेसन काउन्सिलबाट १ अर्ब ४५ करोड डलर रकम भित्रिएको छ । त्यसबाहेक युरोपेली देशबाट ४३ करोड १० लाख डलर, मलेसियाबाट १ अर्ब ४ करोड डलर रेमिट्यान्स भित्रिएको छ ।
क्याटेगोरी : विश्व बजार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया