नयाँ दिल्ली । भारतको आयकर विभागले बेलायती समाचार संस्था बीबीसीको भारतस्थित कार्यालयमा छापा मारेको छ । बीबीसीले यसमा पूर्ण सहयोग गर्ने जनाएको बीबीसी हिन्दीले उल्लेख गरेको छ ।
बीबीसीको प्रेस कार्यालयले स्थिति जतिसक्दो छिटो सामान्य हुने विश्वास व्यक्त गरेको छ । भारतीय संसदमा प्रतिपक्षी दल कांग्रेसले आयकर विभागले छापा मारेको घटनालाई नरेन्द्र मोदीको सरकार आलोचनाबाट डराएको टिप्पणी गरेको छ । कांग्रेसका महासचिव केसी वेणुगोपालले ट्विटमार्फत घटनाको निन्दा गरेका छन् ।
तर सत्तारुढ दल भारतीय जनता पार्टीका प्रवक्ता गौरव भाटियाले भने बीबीसी संसारकै सबैभन्दा भ्रष्ट संस्था रहेको टिप्पणी गरेका छन् । उनले भारतमा हरेक संस्थालाई विष नउकेलुन्जेलसम्म मात्र अवसर दिइने टिप्पणी गरेका छन् । आयकर विभागको खानतलासीको समयसँग कुनै लेनदेन नभएको भन्दै सरकारी संस्थाको छापामारीको उनले बचाउ गरेका छन् ।
यता एडिटर्स गिल्ड अफ इन्डियाले घटनाप्रति चिन्ता व्यक्त गरेको छ । उसले सरकारी नीति र संस्थाको आलोचना गर्ने मिडियालाई डर देखाउन दुःख दिइने गरेको टिप्पणी गरेको छ । यता प्रेस क्लब अफ इन्डियाले पनि वक्तव्य जारी गर्दै घटनाको भत्र्सना गरेको बीबीसीले उल्लेख गरेको छ । त्यस्तै एमनेस्टी इन्टरनेशनलले पनि बीबीसीलाई डराउन सरकारी अधिकारी लागेको जनाएको छ ।
बीबीसीले केही समयअघि मात्र प्रधानमन्त्री मोदीमाथि एक वृत्तचित्र प्रसारण गरेको थियो । त्यसको केही हप्ता नबित्दै बीबीसीमा सरकारले छापा मारेको हो । वृत्तचित्र सन् २००२ को गुजरात दंगासँग सम्बन्धित थियो । जतिबेला मोदी मुख्यमन्त्री थिए । त्यसले मोदीको भूमिकामाथि प्रश्न उठाएको थियो ।
क्याटेगोरी : विश्व बजार
ताजा अपडेट
- प्रमको चीन भ्रमणमा विशिष्टीकृत अस्पतालको एजेण्डा समावेश गर्न प्रस्ताव
- मङ्सिर १५ गते ‘टुर दी बाँके नेसनल पार्क’ को आयोजना
- ऐतिहासिक चन्दन भराटेश्वर महादेव मन्दिर परिसरमा पूर्वाधार निर्माण थालियो
- नेपाल र बङ्गलादेशबीच जलवायुका विषयमा सहकार्यकोे महत्व छ: मन्त्री शाही
- कांग्रेस आकस्मिक बैठक: शोक प्रस्ताव पारित, दुई दिन आधा झण्डा झुकाउने
- पूर्वसभामुख ढुङ्गानाप्रति देउवाद्वारा श्रद्धाञ्जली अर्पण
- प्रधानमन्त्री ओलीद्वारा पूर्वसभामुख ढुङ्गानाप्रति श्रद्धाञ्जली अर्पण
- आर्जन सहकारीको सम्पूर्ण सूचक सकारात्मक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया