लन्डन, चैत ६
विश्वका चर्चित कार निर्माता कम्पनीद्वय बीएमडब्ल्यू र टोयोटाले बेलायतस्तिथ आफ्ना प्लान्टहरु बन्द गरेका छन् । बीबीसीका अनुसार विश्वमा कोरोना भाइरसको महामारी बढ्न थालेपछि कम्पनीहरुले उक्त बाटो रोजेका हुन् । यसअघि नै निसान र भक्सलले पनि आफ्ना कार कारखानाहरु बन्द गरिसकेका छन् ।
महामारीकै कारण कार कम्पनीहरुको बिक्री र पार्टपुर्जा उत्पादन समेत घटेको छ । दुई कम्पनीले गरेको पछिल्लो निर्णयसँगै बेलायतमा जागुआर ल्यान्ड रोभर र होन्डा मात्रै कारखाना सञ्चालन गर्ने कम्पनी रहेका छन् । वेएलआरुले पनि केही दिनमै कारखाना बन्द गर्ने तयारी गरेको छ । बेलायतमा बीएमडब्लुका आठ हजार कर्मचारी छन् । अक्सफोर्ड नजिकै यसले सानो कारखाना सञ्चालन गर्छ भने स्विनडन र ह्याम्समा कम्पनीको प्लान्ट रहेको छ । गुडवार्डमा यसले रोल्स रोयस कारहरु समेत उत्पादन गर्छ ।
पछिल्लो निर्णयलाई कम्पनीले कठिन भनेको छ । कम्पनीले अप्रिल १७ सम्म कारखाना बन्द गर्नेछ । त्यस्तै टोयोटाका प्रवक्ताले पनि युरोपेली प्लान्टहरु बन्द गर्ने कम्पनीको घोषणा सार्वजनिक गरेको बीबीसीले जनाएको छ । टोयोटाले बेलायतमा ३ हजार मानिसलाई रोजगारी दिएको छ । यी दुई कम्पनीमात्र होइनन्, फेरारी, फियाट क्राइस्लर, फोर्ड, पीएसए (पुज्योट), टीपीएसए, रेनो, फक्सवागन, डायम्लर, निसान र स्विडेनको भोल्भो कारले पनि उत्पादन प्लान्ट बन्द गरिसकेका छन् ।
क्याटेगोरी : विश्व बजार
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया