बेलायतले कोरोनाका कारण बेरोजगार बनेकालाई तलबको ८० प्रतिशत रकम दिने
लन्डन, चैत १०
बेलायत सरकारले विश्व महामारी कोरोना भाइरसका कारण रोजगारी गुमाएका नागरिकको तलबमध्ये ८० प्रतिशत रकम दिने भएको छ । भाइरसकै कारण रेस्टुराँ, होटल बन्द गरेसँगै सरकारले उक्त घोषणा गरेको एजेन्सीहरुले जनाएका छन् । बेलायती अर्थमन्त्री ऋषि सुनकले रिपोर्टरहरुसँगको कुराकानीको क्रममा उक्त घोषणा गरेका हुन् । तर यस्तो रकम आगामी तीन महिनाका लागि हुनेछ । यसरी तलब पाउनेले बढीमा २५ सय पाउन्ड स्टर्लिङ मासिक रुपमा पाउनेछन् ।
उनका अनुसार सरकारले साना र ठूला सबैखाले कम्पनीहरुलाई उक्त रकम अनुदान दिनेछ । घोषित रकम औसत आम्दानीभन्दा धेरै हो । कोरोनाका कारण अर्थतन्त्रमा क्षति पुग्ने भएपछि विश्वभरका सरकारले आवश्यक कदम चालिरहेका छन् । बेलायतले ३० अर्ब पाउन्डको करछुट योजना र १२ महिनासम्मको लागि ब्याजरहित ऋणको घोषणा गरेअनुरुप अर्थमन्त्रीको बेरोजगारी तलब योजना सार्वजनिक भएको हो ।
पछिल्ला दिनमा कोरोना भाइरस संक्रमणलाई गम्भीर रुपमा नलिएको भन्दै बेलायत सरकारको आलोचना बढिरहेको छ । सोही पत्रकार सम्मेलनमा प्रधानमन्त्री बोरिस जोन्सनले कोरोनाविरुद्ध लड्न दूरी बढाउने, रेस्टुराँ बन्द गर्ने, थिएटर र फिल्म हलहरु, जिमलगायत बन्द गर्ने घोषणा गरेका थिए ।
क्याटेगोरी : विश्व बजार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया