युक्रेनलाई थप सैन्य सहायता दिने अमेरिकी घोषणा

युक्रेन । संयुक्त राज्य अमेरिकाले युक्रेनको हवाई प्रतिरक्षा प्रणालीलाई मजबुत बनाउन र थप तोपखाना र गोलाबारुद उपलब्ध गराउन युक्रेनका लागि एक अर्ब २० करोड अमेरिकी डलरको नयाँ सुरक्षा सहायता प्याकेजको घोषणा गरेको छ ।

युक्रेनले युक्रेनमा आक्रमणमा प्रयोग भएका रूसी सैनिकहरुविरुद्ध एक उच्च प्रत्याशित आक्रमणको लागि तयारी गरिरहेको छ, तर पछिल्लो सहायता तुरुन्तै युद्धभूमिमा आइपुग्ने छैन किनकि यो अझै पनि रक्षा उद्योग वा साझेदारहरूबाट प्राप्त हुनुपर्दछ ।

यो सहायता विद्यमान अमेरिकी सैन्य भण्डारहरूबाट सिधै खिचिएका उपकरणहरूभन्दा कीएभसम्म पुग्न बढी समय लाग्नेछ । यो प्याकेजले युक्रेनप्रतिको निरन्तर अमेरिकी प्रतिबद्धतालाई ‘हवाई प्रतिरक्षा प्रणाली र युद्ध सामग्रीजस्ता महत्वपूर्ण निकट–अवधिका क्षमताहरूको व्यवस्था गरी युक्रेनको सशस्त्र बलहरूको आफ्नो भूमिको रक्षा गर्न र दीर्घकालीनरूपमा रूसी आक्रमणलाई रोक्नको लागि क्षमता निर्माण गर्ने अमेरिकी रक्षा मन्त्रालयद्वारा जारी एक विज्ञप्तिमा उल्लेख छ ।

यसमा अनिर्दिष्ट हवाई प्रतिरक्षा प्रणाली र युद्ध सामग्रीका साथै पश्चिमी प्रणालीलाई युक्रेनको विद्यमान सामथ्र्यसँग एकीकृत गर्न उपकरणहरू छन् । यो सोभियतकालीन प्रणाली हो ।

युक्रेनको हवाई प्रतिरक्षाले रूसको आक्रमणको सामना गर्न, मस्कोको सेनालाई आकाशमा नियन्त्रण प्राप्त गर्नबाट रोक्न र क्षेप्यास्त्र र ड्रोन आक्रमणबाट देशलाई जोगाउन मद्दत गर्न महत्वपूर्ण भूमिका खेलेको छ । रासस