ब्याट्रीमा नयाँ प्रविधिसहितको विद्युतीय गाडी ल्याउने टोयोटाको योजना

टोकियो । टोयोटाले ड्राइभिङ दायरा सुधार गर्न र भविश्यमा विद्युतीय सवारीसाधनको लागत घटाउन ब्याट्रीमा नयाँ प्रविधि प्रयोग गर्ने भएको छ । टोयोटाका अनुसार डोस–स्टेट ब्याट्री र अन्य प्रविधिहरूको प्रयोग हुनेछ ।

जापानी टोक्नोलोजी रोडम्यापअनुसार अर्को पुस्ताको ब्याट्री विकास र फ्याक्ट्रीहरूको पुनः डिजाइनजस्ता पक्षहरू समेटेर ब्याट्रीमा सुधार गर्ने योजना रहेको टोयोटाले जनाएको छ । अमेरिकी गाडी निर्माता टेस्लाले विद्युतीय सवारी बजारमा अन्य प्रतिद्वन्द्वीहरूलाई पछि पारेको अवस्थामा टोयोटाले प्रतिस्पर्धा गर्ने आफ्नो नयाँ योजना खुलासा गरेको हो ।

यो योजना कम्पनीको वार्षिक साधारणसभाको ठीक एक दिनअघि सार्वजनिक भएको छ । योजना सार्वजनिक भएपछि विश्वको सबैभन्दा धेरै बिक्री हुने अटोमेकरको सेयर एक दिनमै पाँच प्रतिशत बढेर दुई हजार एक सय ७३ येन पुगेको छ । जुन मूल्य गत अगस्टयताकै धेरै हो । टोयोटाले सन २०२६ बाट नयाँ पुस्ताको लिथियम आयन ब्याट्रीहरू बजारमा सार्वजनिक गर्ने लक्ष्य राखेको छ । यो ब्याट्रीले लामो यात्रा र छिटो चार्जिङ प्रदान गर्नेछ ।