लियोनेल स्कालोनी सन् २०२६ सम्म अर्जेन्टिनाको प्रशिक्षकमा रहने

अजेन्टिनाका प्रशिक्षक लियोनल स्कालोनी सन् २०२६ सम्म अर्जेन्टिनाको प्रशिक्षकमा रहने गरि सम्झौता लम्ब्याएका छन् । ४४ वर्षीय स्कालोनीले सन् २०२२ को विश्वकपमा फ्रान्सलाई नाटकीय फाइनलमा पेनाल्टीमा पराजित गर्दा आफ्नो देशलाई उपाधी दिलाएका थिए।

उनलाई २०१८ मा अर्जेन्टिना फुटबल संघ (एएफए)ले पशिक्षक भूमिकामा नियुक्त गरिएको थियो । उनले आफ्नो समयमा अर्जेन्टिनाका लागि दुई महत्वपूर्ण उपाधी दिलाउन सफल रहे । उनले २०२१ मा कोपा अमेरिका पनि जितेका थिए। उनको नयाँ सम्झौताले उनलाई संयुक्त राज्य अमेरिका, मेक्सिको र क्यानडामा हुने सन् २०२६ को विश्वकप सम्म लैजाने छ ।

क्याटेगोरी : खेलकुद