काठमाडौं,आइसिसी विश्वकप क्रिकेट लिग टु अन्तर्गतको त्रिकोणात्मक एकदिवसीय सिरिजमा यूएई नेपालसँग ४२ रनले पराजित भएको छ ।
नेपालले युएइलाई दुई सय ३० रनको लक्ष्य दिएको थियो ।यूएईले ४५ ओभरमा सबै विकेट गुमाएर १८७ रनमात्र बनाउन सक्यो । नेपालको बलिङमा सोमपाल कामी र दिपेन्द्र सिंह ऐरिले समान ३/३ विकेट लिए भने,आरिफ,सन्दिप,र करण केसीले समान १/१ विकेट लिए ।
दुबई अन्तर्राष्ट्रिय क्रिकेट स्टेडियममा टस जितेर पहिला ब्याटिङ गरेको नेपालले निर्धारित ५० ओभरमा आठ विकेट गुमाएर दुई सय २९ रनको योगफल बनायो ।
नेपालका लागि भीम सार्कीले सर्वाधिक ७० रनको योगदान दिए । आरिफ शेखले अविजित ४३ रन बनाउँदा कुशल मल्ल ३२ रनमा आउट भए । त्यस्तै सन्दीप लामिछानेले २७ तथा करण केसीले १७ रन बनाए ।
युएइका लागि जुनेद सिद्धिकीले ३ विकेट लिए भने आर्यन लाक्रा र रोहन मुस्ताफाले समान २/२ विकेट लिए । यो जितसँगै नेपाल लीग-२ को अङ्कतालिकामा यूएईलाई पछि पार्दै पाँचौँ स्थानमा उक्लिएको छ। बत्तीस खेलपछि नेपालको ३२ अङ्क पुगेको छ भने यूएईसँग ३१ मात्र छ। कुल ३६ खेलमध्ये २४ मा जित हात पारेको स्कटल्यान्ड ५० अङ्कसहित लीग विजेता बनिसकेको छ। त्यस्तै ओमान ४४ अङ्कसहित दोस्रो स्थानमा छ।
क्याटेगोरी : खेलकुद
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया