कञ्चनपुर, वैशाख ३१
विगत लामो समयदेखि भारतीय क्वारेन्टाइनमा रहेका नेपालीहरूलाई भारतले रातारात सीमा क्षेत्र गड्डा चौकीमा ल्याएर छाडेपछि उनीहरूलाई नेपालको क्वारेन्टाइनमा राख्नेगरी प्रवेश गराइएको छ । भारतीय पक्षले ४० दिनपछि आइतबार र सोमबार राति गरी सीमावर्ती भारतीय बजार वनवासाको स्कुलमा क्वारेन्टाइन बसेका दुई सय ५१ जना नेपालीलाई सिमानाका ल्याएर छाडेको थियो । पहिलो दिन आइतबार ७५ र सोमबार राति एक सय ६७ जनालाई भारतीय पक्षले टनकपुर नाका हुँदै ब्रम्हदेव ल्याएर छाडेपछि उनीहरूलाई कञ्चनपुरमा क्वारेन्टाइनमा राखिएको हो । उनीहरूलाई आरडीटी परीक्षण गरेर भीमदत्त नगरपालिकावडा नम्बर ४ महेन्द्रनगरमा भीमदत्त नगरपालिकाद्वारा निर्मित बैजनाथ माध्यमिक विद्यालयको क्वारेन्टाइनमा राखेको बताइएको छ ।
‘भारतीय क्वारेन्टाइनमा बस्दा कुनै ठूलै अपराध गरेका छौँ भन्ने लाग्थ्यो’, डडेल्धुरा पर्शुराम नगरपालिका–८ जोगबुढाका केशव धामीले भने,‘४० दिनपछि स्वदेश फर्किदा पाउँदा खुसी लागेको छ ।’ क्वारेन्टाइनबाट बसमा राखेर टनकपुर नाका भएर ब्रम्हदेव छाडिएको बताउँदै उनले स्वदेशी भूमिमा पुगेपछि कुनै ठूलो युद्ध जितेर आएजस्तो भइरहेको बताए । कञ्चनपुरका प्रमुख जिल्ला अधिकारी नुरहरि खतिवडाले स्वदेश फर्किएका नेपालीहरूको स्वास्थ्य परीक्षण गरिने बताए । भारतीय प्रहरीले नेपाली पक्षको सहमति र समन्वयबिनै एक्कासी सीमासम्म ल्याएर छाडेको स्थानीय जनप्रतिनिधिले बताएका छन् ।
क्याटेगोरी : नेपाल
ताजा अपडेट
- बक्यौता उठाउन प्राधिकरणको नयाँ जुक्ति
- पहाड र तराईका केही स्थानमा हुस्सु, बाँकी भागमा मौसम सफा
- यस्तो आजका लागि विदेशी मुद्राको विनिमय दर
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया