सुबास बस्नेत
दोलखा, जेठ ३०
दुग्ध विकास संस्थानद्वारा सञ्चालित दोलखा डेरीमा जिल्ला अनुगमन समिति दोलखाले बिहीबार छापा मारेको छ । अनुगमन समितिले छापा मार्ने क्रममा एकमहिनादेखि उत्पादन मिति र मूल्य उल्लेख नगरीकन नै दुग्धजन्य उत्पादन बिक्री गरेको पाइएपछि भीमेश्वर नगरपालिका–२, चोथाङस्थित उद्योग बन्द गर्न निर्देशन दिएको छ । सदरमुकाम चरीकोटमा बिहीबार दुई वटा उद्योग र पाँचवटा पसल गरी ७ वटामा अनुगमन तथा छापा मार्दा दोलखा डेरीले उत्पादन मिति, मूल्य र कम परिमाणको प्याकेट भेटिए पछि उद्योग बन्द गरिएको घरेलु तथा साना उद्योग कार्यालय दोलखाका प्रमुख सुजितकुमार झाले जानकारी दिए ।
प्रादेशिक व्यापार तथा व्यवसायसम्बन्धी ऐन २०७६ अनुसार पुर्जी काटेर उद्योग बन्द गरी कागजातसहित उपस्थित हुन निर्देशन दिइएको प्रमुख झाले जानकारी दिए । दोलखा डेरीले एक महिनादेखि उत्पादन र म्याद नाघ्ने मिति नराखेको, मूल्य उल्लेख नगरेको र आधा लिटर उल्लेख दूध दहीमा १० देखि २५ मिलिलिटर कम परिमाण भेटिएको अनुगमन समितिले जनाएको छ ।
दोलखा डेरीलाई प्रादेशिक व्यापार तथा व्यवसायसम्बन्धी ऐन २०७६ को दफा ६१ को जरिवानासम्बन्धी व्यवस्थाको उपदफा ३ अनुसार ५० हजारदेखि ७५ हजारसम्म जरिवाना गरिने कार्यालय प्रमुख झाले जानकारी दिए । दोलखा डेरीका लेखा प्रमुख प्रदीप शिवाकोटीले मेशिन बिग्रिएकोले विवरणहरु उल्लेख नगरी बिक्री गरेको बताए ।
अनुगमन समितिले भीमेश्वर नगरपालिका–३, चरिघ्याङस्थित माँ पलाञ्चोक बेकरी उद्योगमा समेत छापा मारेको थियो । छापाको क्रममा सो बेकरी उद्योगबाट ३ महिनादेखि म्याद नाघेको मैदाको पिठोबाट पाउरोटीलगायतका खाद्य सामग्री बनाएको पाइएपछि गोदाममा रहेको ५८ बोरा मैदाको पीठो जफत गरी सिल गरिएको प्रमुख झाले जानकारी दिए । चरिकोटका फलफुल पसलमा अनुगमन गर्दा प्रतिकेस ७ सय रुपैयाँमा किनेर १४ सय रुपैयाँमा विक्री गरेका भेटिएपछि स्पष्टीकरण सहित जरीवानाको लागि कार्यालयमा हाजिर हुन निर्देशन दिइएको झाले जानकारी दिए ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया