बाँके, असार १
लकडाउनका कारण ठुलो घाटा व्यहोर्नुपरेको भन्दै बाँकेका होटल व्यवसायीले होटल सञ्चालनको वातावरण बनाउन माग गरेका छन् । जिल्ला प्रशासन कार्यालयमा ज्ञापन पत्र बुझाउँदै होटल व्यवसायीहरुले असार १ गतेदेखि होटल, व्यवसाय सञ्चालनको वातावरण बनाउनका लागि आग्रह गरेका हुन् ।
होटल व्यवसायी संघ बाँकेका अध्यक्ष भीमलाल कंडेलले भ्रमण वर्ष मनाउनका लागि होटल तथा पर्यटन क्षेत्रमा ठूलो लगानी भएको अवस्था र हालको प्रतिकुलताले बैंक ब्याज, घरभाडा नै बुझाउन नसक्ने अवस्थामा होटल व्यवसायी पुगेकोमा सरकारको ध्यानाकर्षण गराएका छन् । अध्यक्ष कंडेल र सचिव प्रेम बहादुर शाहले बुझाएको ज्ञापनपत्रमा लकडाउन अवधीको विद्युतमा लगाउने डिमाण्ड चार्ज छुट गर्न माग गरिएको छ । घरबहाल सम्बन्धमा, कोरोना भाइरसका कारणले व्यापार व्यवसाय बन्द रहेकोले लकडाउन समय अवधिभर नेपाल सरकारले न्यायीक तरिकाले छलफल गरी घरबहाल पूर्ण छुट गर्न यथाशीघ्र सम्बोधन गर्न ज्ञापनपत्रमार्फत ध्यानाकर्षण गराइएको छ ।
ज्ञापनपत्रमा पर्यटकीय क्षेत्रलाई पुर्नताजकीय बनाउन नेपाल सरकारले २ वर्षको बिशेष प्याकेज तयार पारी राहत उपलब्ध गराउन माग गरिएको छ । कृषि क्षेत्रमा गरिएको लगानी जस्तै पर्यटकीय क्षेत्रमा पनि अनुदानको व्यवस्था र निम्नतम ब्याजमा ऋण प्रवाह गर्न माग गरिएको अध्यक्ष कंडेलले बताएका छन् ।
‘पर्यटकीय क्षेत्रका हामी होटल व्यवसायीहरुको आर्थिक वर्ष २०७६/०७७ को आन्तरिक राजस्व कार्यालय र स्थानीय निकायमा दाखिला गर्नुपर्ने सबै प्रकारका करहरु छुट गरि प्रमाण पत्र नविकरणको व्यवस्था मिलाइयोस’, संघले ज्ञापनपत्रमा भनेको छ । ‘लकडाउनले अस्तव्यस्त पारिएका होटलहरु निश्चित निती निर्देशन नियमावली तर्जुमा गरि होटल सञ्चालनको वातावरण तयार गरियोस’, संघले बुझाएको ज्ञापनपत्रमा उल्लेख छ ।
‘कोभिड–१९ का कारणबाट होटल व्यवसाय पुर्ण रुपमा बन्द भएकोले धेरै मजदुर कर्मचारीको रोजीरोटी गुम्ने अवस्था सृजना भएकाले उनीहरुलाई सरकारले उचित व्यस्था मिलाउन माग गर्दछौ’, ज्ञापनपत्रमा भनिएको छ । व्यवसायीहरुले होटल, व्यवसाय सञ्चालन गर्दा सामाजिक दूरी र सुरक्षाको उपायहरु अवलम्वन गरिने पनि उल्लेख गरेका छन् ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया